السلام عليكم
شفنا أمس مؤتمر أبل للمطورين .. واللي تكلموا من خلاله عن النظام الجديد للأيفون وهو iOS 5
حصلت على نسخة بيتا من النظام الجديد
أول ما ركبته .. حبيت ايفوني اكثر .. حسيت اني شاري جهاز جديد 😛
” النسخة مخصصة لمطورين أبل فقط “
أمس ابل أعلنت عن 10 مميزات جديدة بالنظام من اصل 200 ميزه !
بعرضلكم تجربة سريعه للنظام من خلال 26 صوره
” والله يعين اصحاب الاشتراكات الضعيفه 😛 “
.
.
بداية التشغيل :
بدون كيبل !
اول ما تشغل الايفون .. التفعيل يكون من دون الحاجه الى التوصيل الى الـ iTunes !
بس شغله وفعله بنفسك !
وبعد التفعيل يطلع خيار التسجيل الخدمه الجديدة iCoud
وهذي خدمه توفر على المستخدم مشاركة ملفاته بين أجهزته بسهوله عن طريق الربط المباشر مع السحابه !
يعني ملفاتك لو تضيف صوره من أي جهاز تطلع بالباقي !
تتحكم شنو البرامج اللي تبيها تشتغل حق الـ iCloud
.
.
التنبيهات
هذي أجمل ميزه موجوده بالنظام الجديد .. والأكثر أهميه بالنسبه لي
هو تحسين شكل التنبيهات لبرامج الايفون
مثلاً وانت مندمج بلعبه او برنامج أو تشوف فيديو .. ما يبلشك وكل شوي يطلع مربع بسط الشاشه ويخرب شغلك !
الحين غير .. تقدر تتحكم بشكل التنبيه بكل برنامج
تبيه .. فوق .. بالوسط .. او بدون تنبيه !
بس الاعداد الاساسي راح يكون ان التنبيهات فوق !
مثال :
يطلع التنبيه فوق .. بكل البرامج اللي انت فاتحها .. يطلع لمده بسيطه ويختفي علشان تكمل شغلك بدون ازعاج
واذا بتشوف التنبيهات اللي واصلتلك .. بس اسحب التنبيه او مكان الساعه اذا راح اتنبيه .. إلى الاسفل !
وتفتح هذي الصفحه :
يطلعلك البورصه ” و
تقدر تلغيها من قائمة البرامج اللي بالتنبيهات مع الطقس “
الطقس : يحدد موقعك ويعطيك الحراره .. واذا سحبتها يمين اويسار يعطيك التوقعات لمدة اسبوع
” ما يهمنا الجو .. لان كل يوم حر لغاية شهر 10 😛 “
،التنبيهات اللي تحت ..
جميع البرامج اللي فيها تنبيه + إمكانية التحكم بترتيبها
بس اضغط على Edit وتتحكم بالترتيب اللي تبي
واذا تبي تتحكم بشكل التنبيه .. ادخل على البرنامج من نفس الصفحه :
تقدر تتحكم اذا تبيه يطلع بشاشة القفل أو لا .. مثل جذي :
يعني اذا وصلك اكثر من تنبيه .. يصيرون تحت بعض
” مو مثل قبل .. اخر واحد يوصلك يظلم اللي قبله ويصير اهو الوحيد اللي طالع !! “
تقدر تفتح التنبيه اللي واصلك وقت الجهاز مقفول بمجرد السحب من اليسار الى اليمين :
.
.
ميزه جديدة الكل يتمناها !
مسح مكالمة من السجل !
قبل ابتلشنا .. يا نمسح كل السجل أو نخليه !
الحين نقدر نمسح رقم من الارقام اللي بالسجل
” وأخيرا ! 😛 “
.
.
الايفون يتكلم عربي !
من الخدمات الموجوده بالايفون حق مساعدة اللي نظرهم ضعيف او حتى العميان !
ان الايفون يتكلم ويشرح شنو بالشاشه
” ما نستخدمها لانها بس بالانجليزي “
الحين يتكلم عربي !
والله أفضل خدمه تفيد هالمساكين اللي مو قادرين يستمتعون بالايفون
انا عن نفسي شغلته وخليته يقرالي الاخبار .. بس يقط كلمات جنها سوريه هههههه
بس ممتازه حيل
.
.
iMessages
خدمة المحادثه الجديدة من أبل
الخدمه حسب تجربتي من غير قيود !
مو برنامج معين ننزله .. !
هو نفسه برنامج المسجات .. تقدر تقلبه شات وتدز صور وفيديو بالشات نفسه
بشرط ان يكون الشخص الثاني عنده نفس النظام الجديد علشان تسولفون ببلاش
لو ما عنده راح يندز كأنه مسج عادي !
وراح يبين عندك الفرق بين المسج العادي والـ iMessage
المسج العادي يكون لونه زر الارسال اخضر ومكتوب مكان الكتابه ” Text Message أو رساله نصية “
والـ iMessage يكون الزر أزرق .. ومكتوب iMessage
الحلو يعطيك وضع الرساله اذا وصلت
واذا كان يكتب يعطيك ( . . . ) يقولك انه يكتب
” جنه برنامج iChat اللي على الماك !
عيب البرنامج : ما يعزل اللي عندهم البرنامج بروح !
يعني ما تدري منو اللي عنده واللي ما عنده !
” يمكن لأنه بيتا “
.
.
الكتابه
كتابة الايميلات صار فيها تنسيق زياده ..
باضافة :
الخط المايل واللي تحته خط والمتين 😛
لاحظت وجود علامتين جدد !
اللي على اليمين واليسار بالسطر الاول !
ما فهمت شنو هذول وحق شنو نقدر نستعملهم !
.
.
بما إني من عشاق التويتر ..
الحين المشاركه بالتويتر صارت من الأساسيات بالايفون !
اذا عندك صوره او فيديو .. تقدر على طول ترفعه إلى تويتر !
التويتر بالاعدادات :
اذا ما كنت منزله لازم تنزله وتسجل دخولك فيه
واذا مو مسجل .. تقدر تسجل بكل سهوله !
اذخل الضور .. وضغط علامة المربع اللي تحت على اليسار وتلقى اضافة التويتر
<< ايبااااه 😛
.
اكتب التويت مع امكانية اضافة مينشن لاشخاص عندك و هاش تاغ اذا تبي تتكلم عن موضوع معين
شكل التويت المرسل من الايفون غير بالتويتر .. من حيث حجم الصوره اللي تطلع
سواء بالايفون او حتى الموقع !
” اضغط هنا لمشاهدة شكلها بالموقع “
خدمة الرفع اللي تعاملت معاها ابل هي :
.
.
الاغاني والفيديو
فصلوا الاغاني عن الفيديو من الايبود !
مع اضافة ميزة المشاركة المنزلية للافلام
” كانت موجوده بي بالايتونز على الكمبيوترات “
يعني بس تحط ايميل حسابك والباسوورد بالكمبيوتر .. وتحطه بالايفون .. وتتابع افلامك على كيفك !
.
.
هذا مختصر مفيد لأهم الاشياء اللي شفتها بالنظام الجديد
وان شالله يكون الموضوع مفيد
وآسف على الاطاله
وأدري حمستكم 😛
هههههههههه
يعطيك الف الف عافية على التقرير يا عبدالله
شوقتنا للتحديث
بارك الله فيك تقرير كافي ووافي
الله يعافيك يا هورنت .. ويشرفني ردك
ويسعدني انه عجبك التقرير ^_^
ما شا الله.
نظام متطور جدا
ووايد عجبني ميزة
مربعات التنبيهات اشلون ما
اضايقوني اذاكنت متابعة شي
***
ابداع يعطيك العافية وما قصرت
& enjoy with apple world
***
الله يسلمج .. ^_^
مع هالنظام ماراح يضايقج شي 😛
شكراً وضحت بعض الامور والله يعطيك الف عافية وجهد تشكر عليه نسال الله لك كل التوفيق والي الامام ؛)
العفو ربي يسلمك ^_^
I loved it it seams to be so cool thanks
مشكور عالريفيو
والنظام صخر الصراحه بس الله يعينا ننطر على مايكون متاح للجميع
العفو ..
وإن شالله ما يطول علشان يتوفر للكل ^_^
البرامج كلها تشتغل طبيعي ؟؟ ما صار ثقيل او يعلق ؟؟
تنصح اننزله ولا ننطر ؟؟
كل البرامج شغاله طبيعي بدوم مشاكل تذكر
والتعليق .. صار معاي كذا مره بس ما يطول .. شي طبيعي لانه بيتا ^_^
good job abdullah .. keep it up
welcome .. wish you like this blog ^_^
يعطيك العافيه ع التغطيه للنظام الجديد .. كلن يبدو انك ما انتبهت لأشياء كثيره فيه بعد .. انا صار لي 48 ساعه من ركبته وما زلت اكتشف اشيآد جديده ، التحكم بهالزاز ، حذف الاغاني من الايبود يدويا ، حذف الافلام من تطبيق الموفي يدويا بدون استخدام الجهاز ، اضافه البوم صور في الصور واعاده ترتيبها والتعديل على الصور نفسها ، هناك خيار جديد وهو اضائه الفللاش الخلفي عند عدم الرد على مكامله او اشعار لم تفتحه .. الخ | باقي اشياء كثيره ما ذكرتها بعد .. لكن يعطيك العافيه ما قصرت ^^ .. اخوك @iM7M7
الله يعافيك ان شالله .. والله كان ودي اذكر كل شي شفته بس وقفت لسبب الجهد والكمية الصور 🙂
وميزه جديدة انك تتحكم بسرعة التتش ” اللمس ” مثل الماوس بالكمبيوتر + شراء نغمات مباشره من الجهاز !!
200 ميزه ما نقدر نحصرها بمكان واحد 😛
ماشاءالله تبارك الله
اجمل تقرير قرأته عن النظام الجديد
تسلمين .. من ذوقج ^_^
ماشاء الله ، عرض رائع ، سؤالي أخي الفاضل ، هل هناك إمكانيّة للداون قريد لـ 4.3.3 أو لا ؟
الله يسلمك ^_^
الداون غريد بسيط حيل .. بمجرد اني اسوي ريستور للجهاز راح يرد على الوضع القديم ^_^
تقرير ممنااااااز .. والله شوقتنا حيييل
مبدع ياعبدالله
عساك ع القوه
الله يقويج ويسلمج
ويسعدني انه عجبج ^_^
اشكؤك على الطرح الرائع المنظم
بس لي سؤال بخصوص ال gps اخبارة اية و النافيجيشن فى مجانا زى نوكيا و لا اية
و شكرا
ما شاء الله التقرير روووووووعه
يعطيك العافيه
يعطيك العافية شي حلوو
الله يعافيج ^_^
السلام عليكم بدي اعرف انا عندي ايفون واي باد كيف اريد ان اقترن الجهزين مع بعض يعني بس احمل برنامج ع الاي باد يتحمل على الايفون ؟؟؟؟؟؟؟؟؟؟؟؟؟؟ وشكرا
بدي انزل هاد التحديث على ايفون 3gs ممكن حدا يساعدني ؟
لو سمحت عندي مشكله في تنزيل اي شي
الجهاز: الايباد
وكيف احدثه