لي متى هالسخافه اللي تصير من بعض رواد الافنيوز ؟
سواء مراهقين أو أطفال
تخريب وتشويه للاماكن العامه وإظهار صوره سيئه عن الشعب الكويتي بأنه همجي وغير حضاري
حصلت أمور كثيره بالفترات اللي طافت
من هوشات واتلاف بعض المرافق
واخرها اللي صار بيوم العيد
حتى السماد الصناعي للنبتات .. ما سلمت منهم
مطشرينه كله برا الحوض .. عسى ما شر ؟!
هذي مو لعبه .. لو يخمطها طفل ويبلعها .. يمكن يروح من چيس اهله
هذي صوره للمكان اللي ما سلم من العابثين
كل الشكر لـ @H_Alabdulhadi على الصوره
وان شالله هالمخربين يتطورون ولا يفشلونا جدام خلق الله
وين الأمن اللي بالافنيوز عنهم
هذا مجمع تجاري مشهور بالكويت الفروض
يحطون كاميرات بكل مكان ومايسمحون بهالتصرف
هالاشكال ليلحين موجوده
ارتقوو اشوي
ويودو عيالكم !
والله عيب يعني والله لو واحد عنده ذرة حياة وتربي عدل والله مايسويها
ولا والمصيبه الاشكال اللي تدخل المجمع والله اشكال ما ادري شلون صاير
والله مره يتمشون ناس ما ادري شلون صايرين ولا من وين جايين
المهم
وهم يتمشون يسوون قلطه
بلا عليكم هذول ناس تدخل مكان عام ومعروف بالكويت والسياح يجونه من كل صوب
بس نصيحه اللي يبي يروح هناك ويمشى وياخذ راحته ويتفك من هالاشكال والكائنات الغريبه يروح الصبح يكون احلا جو
يكون فاضي واغلب اللي فيه رياضه وناس محترمه
يكفي يشوفك ويبتسم
واسمحولي عالاطاله
ومشكور يا عبدالله عالتقرير هذا
مادري متى راح يتسنعون هالهيلق >_< !!
والله عيب شوف مجمعات الامارات وشوف المجمعات الي بالكويت والله فرق ! الي بالكويت مو ملتزمين بالقوانين ،
في قانون بالامارات حق الي يتحرشون بالعوائل والبنات بالمجمعات غرامه ٥٠٠٠ درهم ، وغرامه حق الي يوقف الدرج المتحرك ٢٠٠ درهم ! ديره ماشيه بالقانون .
لو يطبقون القوانين هذي بالكويت ماراح نشوف مثل هذي صوره والاهواش والمصخره الي تصير في المجمعات بشكل عام .
اكتفي بقول:
“اذا غاب الرادع..زادت الدوافع”
لا عادي بس انه
اذا هذا دق علي
ههههههههه
لا في بعض المخلوقات اللي في عمليه تكوينها الجيني دخلت عليهم فطريات ترجع لمايكروبات تتغذى على عرق الشامبانزي الفاخر
فعشان جذي تلاقون انفعالاتهم شوي غريبه عن الحنس البشري
فعلى سبيل المثال
في حاله الفرح يكون التعبير باطلاق النيران في السماء
وذلك يرجع الى خلل في الادراك الحسي لدى هؤلاء المخلوقات
^^^
شرايكم اصلح محلل الدونه