الصين بلاد العجائب
كلمة الكل يقولها من كثر الصناعات الصينية الغريبة اللي مكتسحة الاسواق في كل العالم
ونظرتهم ان الصين بس بلد صناعة
بس هذا مو كل شي !
الصين بلد سياحي على مستوى عالمي
” مو زين الصيني يحط شي في باله .. والله يسويه غصب طيب ! 😛 “
بس مشكلة الصين ان اعتمادها اكثر شي على السياحة الداخلية
” شعب عدده اكثر من مليار ونص .. شيبي بالعالم ؟! “
بنظري ان الصين لو تفتح مجال اكثر وتنافس العالم بالسياحة
راح تاكل الجو من اوروبا وامريكا .. كل المقومات متوفرة عندهم
.
المهم ما اطول عليكم 😛
انا واخوي رحنا حق منطقة اسمها شنزن . تكون بين هونغ كونغ واكوانزو
” تبعد ساعه بين المنطقتين “
المدينة حضارية وراقية فيها مكان سياحي اسمه :
” نافذة على العالم “
Window of the World
سعر تذكرة دخولها 140 رممبي = 6 دنانير = 80 ريال سعودي
.
المكان عبارة عن مدينه كبيره جداً
فيها أشهر المعالم والمباني العالمية !
بس .. بمجسمات مصغره بدقة خيالية !
” بس مو كل شي صغير حيل “
فيه اشهر معالم المدن الاوروبية والامريكية والاسيوية
وكل مكان يعيشك جو انك في صج
مثلاً اوروبا .. مسوين مدينة اوروبية كاملة
” والله كأني اتمشى في Zell am see “
وامريكا الجنوبية .. تعيش جو غابات الامازون
من كبر حجم المدينه ما مداني افرها كلها
<< لاني امشي واصور 😛
.
أعلى برج فيها .. هو برج ايفل !
اظن انه بحجمه الطبيعي او مصغر بنسبة بسيطة
لانه كبير حيل فيه اصنصير يصعدني نص البرج ..
واصنصير ثاني يصعدني قمته فوق بارتفاع عالي !
” راح تشوفون بالصور “
.
وأحلى معلم موجود بالحديقة بدون مبالغة
” أبراج الكويت “
هو المعلم الخليجي الوحيد الموجود
اكو معالم .. ما اعرفها ^_^
.
المدينة فيها العاب ومطاعم ومحلات
والحلو ان اخر شي عند الطلعه يبيعون جوازات
فيه معلومات عن المدينة
وتختار ختم الدوله اللي تبي تختم جوازك فيه !
.يي.
ملاحظة:
تم تحديث بعض معلومات التقرير
واضافة صور الجواز في نهاية الموضوع
اخليكم مع الصور
عددها 60 صورة
والله يعينكم على سرعة النت
“ بعض الصور ذاكرلك اضغط عليها علشان تشوفها بحجم اكبر “
” كل الصور تم تعديلها في برنامج : Analog “
اضغط هنا لمعرفة المزيد عن البرنامج
.
.
وان شالله التقرير يعجبكم .. وتستمتعون بالصور
.
.
اول شي سويناه يوم وصلنا مدينة نافذة على العالم
ركبنا القطار المعلق اللي يفرنا المدينه كلها .. علشان نستوعب المكان
هذا القطار اللي ركبناه
” الصورة برا المدينة “
.
.
هذا درج حق المترو .. مخلينه على شكل متحف اللوفر اللي في باريس
.
.
نظرة عامة لمدخل المدينة من على القطار
.
.
برج ايفيل
” اضغط على الصورة “
.
.
قوس النصر مبين من تحت برج ايفل
.
.
قوس النصر
.
.
صعدت برج ايفيل
.
.
مناظر للمدينة من فوق برج ايفل
” ها .. مرتفع ولا عادي ؟ 😛 “
.
.
جزء من المدينة الاوربية
.
.
مسجد من تركيا
.
.
هذا مكان بالمغرب
.
.
المسجد الملكي في اصفهان – ايران
من زاويه ثانية له
.
.
سامراء – العراق
.
.
ابراج الكويت تحكي حاضر بلادي
ابراج الكويت لوحة شكلها بادي
<< والله عجيب شكل الابراج مع برج ايفل 😛
.
.
شوفوا شلون يصورون مع الابراج 😛
<< ما يصلح شكل الابراج مع الارض الخضرا 😛
.
.
طولهم يوصل 10 امتار تقريبا !
.
.
جسر لندن او لندن بريدج ” london bridge ” مثل ما يسمونه روادها 😛
.
.
بيغ بين Big Ben
.
.
هذا قصر باكنغهام .. القصر الملكي البريطاني
” اللي عرس وليام وكيت راحوله اخر العرس “
” اضغط على الصوره “
.
.
وانا اصور الصوره اللي فوق
صورني اخوي 😛
<< شوفوا حجم القصر ولا تنصدمون 😯
.
.
موسكو
.
.
هذا مبنى كنيسة : كاتدرائية نوتردام في فرنسا
” نفس المكان اللي فيه قصة احدب نوتردام “
حاطين مجسمات صغيره حيل تتكلم عن تاريخ المكان
” حجم المجسمات طول الاصبع تقريباً “
.
.
في مكان حاطين فيه المسمات الصغيره
من كل شعوب العالم
<< اهم شي اللي لابس غتره وعقال ومعاه وحده لابسة عباية 😛
.
.
روما – برج بيزا المائل
.
.
تمثال لـ شعار روما
.
.
عجبتني فكرة المنظر
يصلح حق اللي عندهم حديقة كبيرة او للمزارع
.
.
هولندا
.
.
برشلونه
.
.
حاطين خوش متاهه
اللي يدشها عادي يضيع وقته واهو يدور الطلعه
ما دشيتها لان ماكان في وقت !
.
.
مصر .. ام الدنيا 😛
.
.
دشيت الجناح المصري
جتني ضيقة وطلعت .. ماكو شغل اضيع وقتي عليه !
.
.
الحين عاد يجي دور امريكا 😀
شلالات نياجرا
ضابطين شكلها حيل !!
قبل فتره كاتب تقرير عن رحلتلي للشلالات
.
.
واشنطن
مبنى الكونغرس ومبين فوق جبل راشمور اللي منحوت فيه وجوه رؤساء أمريكا
.
.
البيت الابيض
.
.
هذا المكان مادري شنو .. حتى جيته هناك ومالقيت فيه الا تمثال
التمثال اللي داخله حق حاكم امريكا ” أبراهام لينكون “
.
.
هالمكان له ذكريات ^_^
والحلو ان عندي نس الصوره بالضبط للمكان الصجي 😛
.
.
حبل راشمور ” ولاية ساوث داكونا ” المنحوت على وجوه رؤساء امريكا هم :
ابراهام لينكولن – تيودور روزفلت توماس – جيفرسون – جورج واشنطن
.
.
نيويورك
.
.
مع وجود برج التجاره العالمي !!
.
.
.
.
تمثال الحرية
.
.
من حضارة شعب المايا في المكسيك
.
.
صورة ثانية للقطار اللي يفتر بالمدينه ووراه جزء من برج ايفل
.
.
صور لمدخل المدينة
<< حيل عاجبني برنامج الصور .. مخلي الصور جنها من السبعينات !
بس حلو الشجر المربع .. والله الصينيين عفاريت 😛
.
.
الجواز اللي تقدر تاخذه عند البوابه اخر شي
فيه معلومات عن كل معلم داخل المدينة
وتقدر تختم فيه ختم الدول اللي تبيها !
” طبعاً الختم يكون على شكل معلم الدوله الرئيسي “
.
.
واسف على زحمة الصور
واتمنى ان التقرير عجبكم ^_^
صراحه موضوع رائع ومتعوب عليه!
حبيت الصور وترتيبها
وحبيت المدينه بكبرها تحس انك تلف العالم بمكان واحد!
انا سرت فالمانيا مدينه مصغره مبنيه بالليغو! (المكعبات) كان في مباني وايد واشيا كثيره – حطيتها في بلوقي – .. اول ماشفت الموضوع توقعت ان المدينه كلها مصغره! نفس اللي فالمانيا بس هاي غير!
شكرا الجلاوي!
العفو الله يسلمج
هذا غير .. ويسعدني انه عجبج ^_^
صج صينيين ما يتعاملون الا بالتقليد لووووووووووول
الصراحه شي عجيب واهم شي استانست 🙂
يعطييك الف عافيه على البوست وما ننحرم مك 🙂
وبالتوفيق ان شاء الله 🙂
الله يسلمج
الصينيين قلدوا كل شي .. مو عجزانين يقلدون المعالم 😛
اشكر مرورج ^_^
تقرير راااااااااااائع وجدا جدا فن في التصوير
يعطيك العافية واهم شي انو الواحد يسافر ويشوف مناطق ومدن مثل جذي ^_^
تسلمين الله يعافيج
من ذوقج ^_^
ما يحتاج اسافر عقب المكان
الله يعطيك العافيه عالصور والتقرير الحلو
ويبيلها رحله ثانيه بس متى الله واعلم
بس ما ذكرت سالفة الجواز واللي تختمه من كل الدول
الله يعافيك
والله لازم روحه ثانية 😛
ضفت صور الجوازات اللي عطونا 😛
صار الموضوع فيه 60 صورة !
واو الموضوع روووعه ومتعوب عليه حسيت كاني مسافره هههههه
والصور رووووعه … يعطيك العافيه
الله يعافيج ^_^
وحلو ان الموضوع عجبج ^_^
موضوع جداً راقي .. والتصوير احترافي ماشاءالله
الله يسلمك ان شالله
من ذوقك .. ويشرفني انها عجبك ^_^
اقسم بالله اكثررر من روعه
ومبين الموضوع متعوووووب عليه
والله امتعتني بالصوره
شكلي برووح لهااا
رووعه يا عبدالله مشكووور ماقصرت
الشهر الجاي فيها
الله يسلمك يا الحبيب
من ذوقك
ويسعدني انه عجبك ^_^
اي الحين اكتمل الموضوع كله
والله يعطيك العافيه
الله يعافيك ^_^
والله روعة ..
استمتعت بالموضوع ..
الله يعطيك العافية ..
الله يعافيك
ويسعدني هالشي ^_^
واااااااو ماشالله
تقرير يشششوق حيل
اتوقع الصور عطتنا مناظر احلى من الصج
يعطيك العافيه
من ذوقج ^_^
الله يعافيج ..
تسلمين ^_^
B9raa7aa ahneek 3laa hal9wr al6ybaa Oo almkaan al6yb
بو عابد ماشاء الله من احلى القارير
يعطيك العافية
شبكت من اللاب علشان اشوفه عدل
وخوش شغلة طلعتلي توها
أهلا بكم يسرني كثيرا أن أشاهد الصور منكم
أنا جئت من الصين ويشرفني أن أقدم لكم معلومات عن الفنون الصينية
إذا تريد أن تعرف أكثر يمكنكم أن تشاهد http://arabic.cntv.cn/01/index.shtml
هذه قناة الصين العربية نت
مرحبا!
الحقيقة التقرير رائع بمعنى الكلمة
سلمت يداك
Pingback: أفضل مواضيع مدونة الجلاوي في 2011 | Aljalawi
اهم شى جتك غلقه من الجناح المصرى ,لوووووووووول زين ماطلع لك مصرى يقولك اى خدمه ياباشا؟!!
وااااو يحلو ابراج الكويت عند برج ايفل
يمكن تلوق صح
يعطيك العافية على الموضوع الجميل
ماشاءالله الصور رووووعه يعطيك العافية
والله المكان يجنن… عندنا درس فالانقلش عنه وبحثت ولقيت موضوعك ومرا ساعدني شكرا اخوي يعطيك العافيه .. انا خقيت على المكان .. ابى اروح الصين الان الي يبى يروح ياخذني انا بعد .. حلوه مجسمات الناس الصغار مرا فكره رهيبه والله الصينين مو هينين مرا رهيبين .. بروح الصصيينن