هذي مجموعه صورتها امس حق بيتنا القديم
” مهجور “
هذا الموضوع يختلف عن باجي المواضيع بالمدونه .. لانه موجه خصوصاً حق كل اخواني وعايلة الجلاوي
اهم اللي راح يعيشون جو الصور
لان مافي جلاوي ما عاش طفولته بالبيت
ذكريات الحوش واللعب فيه .. والقعده .. وجمعتنا .. والعروس اللي صارت فيه .. والزينه اللي تغطي الحوش .. والدوانيه .. ودوانية الشايب الله يرحمه ويغفرله
ايااااااام
( 10 صور )
.
.
الحوش
وفيه ” برچه “
< ما يعرفها الا اللي كان عندهم " بيت عربي "
.
.
البرچه
وهي عباره عن جليب ..عميق .. عمقه تقريباً 3 امتار ومساحته تقريباً 3 امتار في 3 امتار او اكثر .. يتعبى ماي .. يستفيد منه اهل البيت قبل !
لقينا فيها ماي .. صارله موجود من 15 سنه تقريباً
.
.
درج اللي يصعد بيتنا !
.
.
هذا بيتنا .. مهجور !
.
.
المطبخ الكبير اللي بالحوش
.
.
حوش الدوانيه
اللي على اليمين دوانية ابوي – الله يرحمه
.
.
هذي دوانية الشايب الله يرحمه
.
.
لقيت هذي الذكرى كنت كاتبها بالسطح !
.
.
وهذي ذكرى كاتبها اخوي
.
.
هذا تلفزيون قديم لقيته بالبيت
.
.
ان شالله عجبتكم الصور ^_^
3jeeb
تسلم .. ويسعدني زيارتك للمدونه 🙂
الصراحه البيت تراثي والسؤال ليش مابعتوة لانه اشوف يمه عماير ؟؟؟؟
البيت بايعينه من زمان .. بس اللي شاريه معور قلوبنا انه ما هدمه
السلام عليكم
ايام وذكريات بالدوانيه ايام شارع الجلاوي والنادي ههههههه
اياااام ننقز سور النادي ونشب الكشافات ههههههه
ياحلوهاا من اياام ليت الي فاات يعود قعدنا احلي اياام العمر
تسلم يالخاال علي هالمجهود الطيب والذكري الحلووه
ايام كم عشنا يا محلاها .. يا دنيا يا غرابه
ذكريات
الله يا الاياااااام
اخ يا عبدالله عورت قلبي والله
هالبيت وش زينه .. وش زينها سنينه
كنا تحت سقفه .. نسهر ولانغفى
وجونا صافي .. وقلوبنا اصفى
والله صور تنزل الدمعه غصب
واشكرك على الرد 🙂
الله يالأيام .. مافيها يعني كلام .. ختامها دمعه
هذا اخر الاحلام .. حسافه والله حرام .. لمتنا والجمعه
A7la ayaaam :'(
-.-‘
W alt9weer nice
مشكوره ^_^
بدون اي تعليق
رووووووعه الصور
تسلمين ^_^
اول شي يعطيك العافيه على جهودك
ياحلو الذكرياات الي تجمعنا
(ليت الايام تعود يوما)
الله يعافيك ^_^
عزاااااه الله من ايام على ذمتي احلا ذكريات بالفروانيه مرت علي
ايام الدوانيه الخضرا !
احلئ ايااام في الفروانيه
حسافة بس ناقص تصور لنا عبدالواحد عشان تكمل
هههههههههه
عبدالواحد كل يوم عندنا على الفطور
هذا بنوديه المتحف الوطني هههههه
بيييييه ياحلو هذيك الأيام
اشكرك عبدالله
العفو
والبيت هذا له ذكريات عند كل العايله
مافي جلاوي ما عاش طفولته فيه
واشكر زيارتك
خياااااال
الله من اياااااام يالخال والله عورت اقلوووبنا وعزتيله ديوانيه الخضرا والله يجزاك خير يالخال علي الصور الطيبه
الله يسلمك ..
ولازم نوثقه قبل لا ينهدم ^_^
والي عورت قلبي غرفت ابوي مبارك والحوش الله من ايام لعب كووووره ههههه عزا
بيتنا يا بعد كل بيت يا حلووو الحوش وقعدته
ماقصرت ياعبدالله على هالمجهود الطيب
خوش تصوير
الله يسلمج
والله يرحم ايامه
كانت ايام حلوه
كانت احلى ذكرياات حيااتي
ماقصرت عبدالله ع التصوير. والتوفيق ان شاءالله
الله يسلمج ^_^
الله يعطيك العافيه يالخال ومشكور على الصور الحلوه الي ايام احلى ايام وانا اتفق مع حسين انها احلى ايام مرت بس ليش ماصورت الحوطه
ههههههههههههه
الحوطه عندي صورها
خاشها عندي اوريها حق عياله بعدين ان شالله هههههه
مرحباً ماودي أتدخل بالخصوصيات لكن اي منطقه …؟
بالفروانية
ياحلو الذكريات بيتكم ذكرني ببيت عمة ابوي الله يشافيها
بيتها القديم كان نفس الطريقة
وهم عطيتني فكره اصور بيت يدتي قبل لا يهدمونة وتروح معالمة
الله يشافيها
والله لحقي عليه .. صوريه وخل نشوفه .. ^_^
بيتنا يااااابعد كل بيت
ياحلوووو ايام الزواره فيه
اشلون شكل الحوش يصير
هههههههههه
ليته يرجع ونتجمع فيه او ما انباع وكل فتره نمر عليه
لو دامت لغيرك ما اتصلت اليك
ماكو شي يبقى على حاله ^_^
اه يا البيت الكبير يا محلا ايامگ 🙂
كل ما قلت اغاراض جاني سليم راعي البقاله
وكل ماقلت مطعم جاني هرفي ومايور
وكل ما قلت غدا جاني الخمسينات
وكل ما قلت ضيوف جاني الكنفاني وجوكليت حلي كل بييت
وكل ما قلت تعبانه جاني صيدليه عميريه
وكل ما خربت سيارتي جاني مصلح الخطيب
وكل ما قلت سهره جاني دار المقعد
كل ما قالو اعيالي ضيقه راحو الحوش العبو غميضه
اي والله
كل شي كان عندنا
وكل شي حولنا
اشكرك عبودي دهن العودي علي الصوور وشباب فيه ثلاثه ما راحو عن بالي كلش ملش احلا ايامنا كان عندهم نعيـم وخليـل (وسايق شنكر لووووول؛)
هههههههههههه
انت جبت اسامي ناس انقرضوا هههههه
لو كاتب اسمك احسن علشان اعرفك 😛
كوكي كبير هههههههههههههههههههههههههههههههههههههههههههههههههههههههههههه
ههههههههه
عاش ولد **** هههههههه
خيال
ما قصرت يا الخال على الصور الحلوه والله احلى ايام مرت علي
الله يسلمك
اي والله .. ^_^
تصوير ولا احلى منه ما شاءالله …
الله يسلمج .. من ذوقج ^_^
حلوه ذكرى بوعبدالرحمن اللي في ١٩٨٩
ايام الشعر الطويل 🙁
السلام عليكم
الله يعطيك العافيه
الله على ايام زمااااااان
ذكرتني في بيت يديي الله يرحمه بيت العايله
بالفروانيه قطعه 1
ايااام ماتنسي و الله احلا مافي البيت العربي المساحه
و يمعتنا و وناستنا الله
صج من قال
(( عتيج الصوف ولا يدييد البريسم ))
كبرنا و عشنا مع بعض عمامي و عيالهم عوايل داخل بيت واحد
( بيت العود )
و الله ليلحين كل ما ادش البيت و الله استانس تردني الذكرياات للماضي الجميل
اللهم ارحم من في القبور و قلوبنا تشتاق إليهم
اللهم آمين