شريت سماعة BOSE موديل
QuietComfort® 15 Acoustic Noise Cancelling® headphones
وهذي تعتبر اخر انتاجات سلسلة QuietComfort
( الفيديو نهاية الموضوع )
.
.
.
مميزاتها :
اهم مميزتاها انها تعزل الاصوات الخاريجيه
مثل ( الطياره – القطار – التكييف – التلفزيون – واحد قرقه قاعد يمك 😛 )
وطبعاً هذي التقنيه مو متوفره الا بسماعات BOSE
لانها تحتوي على مايك بظهر السماعه وداخل السماعه !
بحيث انها تاخذ الموجات الخارجيه .. وتعكسهم !
وبهالطريقه تكون قضت على الصوت !
واذا تبي هدووووء وما تبي ازعاج
البسها .. حتى لو ما تبي تسمع اغاني !
ومن مميزاتها ..
تصميمها !
انا من قبل متولع بسماعات بوس ..
لان سماعاتهم تصميمها عجيب .. ولبستها حدها مريحه
خصوصاً هذا الموديل مطورين ” الكشن ” !
اللي هو اطارها الاسفنجي .. مع امكانية تعديله يدوياً في حال تحرك أو تبيه يناسب “صماخك “
السماعه تشتغل بالبطاريه
” بطارية وحدة AAA “
( اكو نوع على شحن .. بس البطاريه اظمن وقت السفر .. ماني فاضي انطرها تشحن ! )
محتوى العلبه :
السماعه
( السماعه تلف 90° درجه علشان ما تاخذ مكان بالجنطه )
كيبل فيه تحكم بالصوت للايفون والايبود والايباد
( بس بالموديل الجديد نفس .. القديمه ما يجي معاها ! )
كيبل عادي
بطارية AAA
قطعة للطياره
( سماعات الطياره ام ثنتين 😛 )
و الجنطه
( شكلها كشخه 😛 )
السعر :
300$ = 82 دينار
طلبتها من امازون
والتوصيل مجاني داخل امريكا
لكن اراميكس دفعوني 13 دينار !! ( حراميه )
ان شالله راح يكون هذا اخر تعامل لي مع اراميكس
اطلب دايركت ابركلي
لاني دام دافع دافع .. اشتري الوقت بفلوس !
صور السماعه :
httpvh://www.youtube.com/watch?v=3tLJ0MSqt98
YouTube : LINK
السماعه شكلها عجيب
ومميزاتها حلووووه
يعطيك العافيه
الله يعافيج 🙂
Khooosh sama3a
بصراحه النظاره حلوه بس لو يصير شي مفاجئ حولك شلون راح تسمعه مثلا جدر الضغط قام يصفر او انفجر الغاز بعدها راح تقولي الحياة
GAME OVER
يا الحبيب .. أي نظاره !
الموضوع عن سماعه 😛
هههههههههههههههه
بس من ناحية عزل الصوت .. حدها راح تعجبك 😛
فعلا جبارة هالسماعة
شفت لها ريفيو كثير
بس المشكلة اذا احد يبي يناديك او فيه شيء هههه سلامات ما تدري عن الي حولك
شكرا عبدالله
العفو ربي يسلمك
وفعلاً السماعه تعزلك من المكان 😛
بس اذا كان الصوت الخارجي عالي حيل راح تحس فيه
انصحك فيها .. ركبها على الـ iMac اللي عندك واندمج بالفلم 🙂
بصراحه وأيد حلوه بس لو حجمها أصغر أنا بالذات احتاجها في الدوام
في عندهم حجم اصغر وشكلها حلو
هلا اخوي الله يباركلك بالسماعة
عندي سؤال هل فيها مايك ؟؟؟
يعني يمديني اكلم فيها بالسكايبي والمسنجر والخ..
هلا فيك .. الله يعافيك ويسلمك
السماعه فيها مايك
بس المايك والسماعه بنفس الكيبل .. يعني نفس مالت التليفون
واذا بتستخدمها بكمبيوتر .. ما تشتغل الا على اجهزة ابل .. لان نظان فتحة السماعه اهي نفسها المايك والسماعه ” نفس الايفون ” 🙂
بكم طلعت عليك ومن وين شريتها انا لي فتره ادور سماعات بوس للكمبيوتر وشكرا
في منها في مصر جزاءك الله كل خير
وياك
الله يسلمك
ان شالله يكون سعرها مناسب 🙂
خوووش سماعه يعني تصلح أفلام و تعيش جو سينمااا
عليك بالعافيه و تكسرها بالعافيه 🙂
السلام عليكم ورحمة الله وبركاته
تتهنى بالسماعة اخوي
عندي بعض الاسئلة اذا ماعليك امر اخوي عبدالله
– كيف جودة الصوت وقوة BASS في السماعة وكم تقيمه ؟
– انا متخوف من مسالة البطارية كم ممكن تدوم وايش فايدتها بالضبط
هل بدونها اقدر استمع للملفات الصوتية او لا ؟
– بخصوص عازل الضجيج المعروف انه يعزلك عن العالم الخارجي
هل كذلك يمنع خروج الصوت من السماعة يعني لو ارفع الصوت لاعلى شي هل ممكن الي بجنبي يسمع الي قاعد اسمعه ؟
وشكرا