وأخيراً وصلوا الأغراض من امريكا
بعد ما لوعوا جبدي الجمارك بالتعطيل اللي على غير سنع
8 ايام بالجمارك .. عسى ما شر !
لو اللي واصلتني حاوية اطلعها بيوم واحد
اما لان واصلني اغراض خاصة .. تتناقلونها من مفتش لي مفتش !
حسيت اني مدخل كمية هروين !
ماعلينا منهم
جايكم ان شالله بموضوع خاص يا الجمارك 😈
.
بينت علامات الكبر في لابتوبي الشايب
لابتوبي MacBooK Pro 15 شاريه صيف 2008
قبل فترة زدت الرام صار 4GB والهارديسك صار 500GB
علشان اواكب التطور !
.
بس قبل جم يوم .. طفى الجهاز ومو راضي يشتغل
بسبب مشكلة كهربا بالماذربورد
وتم اصلاحها الحمدلله ..
بس وقتها حسيت اني محتاج جهاز جديد بمواصفات عالية
طلبت MacBook Pro 15
مواصفاته :
2.2GHz Quad Core i7
8GB Ram
500GB HDD
المواصفات ماشالله عالية
.
.
اوريكم صور الاغراض اللي طالبهم
واقولكم شنو اللي موجود 😛
.
” اضغط على الصورة لمشاهدتها بحكم أكبر “
.
نظرة عامة :
.
.
اللي بالصورة :
MacBook Pro 15
iPhone 4 S 64GB
حماية للكيبورد
جنطة لابتوب خفيفة ماركة incase
<< احب هالماركه .. جوده عالية وتصميم راقي
.
.
تيشيرتات من :
Abercrombie and Fitch
<< على الألوان حسيت اني بالحرس الوطني 😛
.
.
كل دوله اسافر لها لازم اشتري كوب للذكرى والاستعمال
بس تحسفت ان ما عندي أهم كوب
اللي اهو من احلى منطقة رحتها بالعالم
Santa Monica في ولاية كاليفورنيا
.
.
الحين صور لقاء الأحبه !
هذا لابتوبي الجديد
الصراحه .. أحلى شي بالعالم
لما تطلع لابتوب MacBook من كرتونه
فيه ريحة عجيبه مو موجوده بأي جهاز ثاني 😛
ما يعرفها الا اللي عنده ماك !
.
.
جلسة تعارف 😛
او .. ماك بوك برو .. مع ابوه !
.
من الاسباب اللي خلتني اشتري الجديد
اني اذا بفتح الجهاز بالقديم
لازم افك 20 برغي بـ 3 اماكن مختلفه
وبعدين افتح الجهة اللي فيها الكيبورد
جني فاتح كبوت سياره !
أما الجديد بس 10 براغي بمكان واحد
وبس !
.
.
والله حتى لابتوبي القديم .. اشوف شكله جديد
اذا تمت مقارنته مع لابتوبات الشركات الثانية
.
.
فرق بسيط بالسماكه
.
.
القديم بايعها .. حاط وشم 😛
منحوت بالليزر
.
.
لازلت أحتفظ بـ كرتون لابتوبي القديم
<< فرق بالحجم !
.
.
وفي النهاية ..
أحب اشكر صديقي العزيز
باسل العتيبي
بيض الله وجهك .. وما قصرت
.
.
وآسف على الاطالة
^_^
مبرووووك الاغراض يالسمي تكسرهم بالعافية مثل ما يقولون 🙂
الله يبارك فيك يا الحبيب ^_^
ماشاء الله
عليك بالعافيه
ذكرتني بشحنتي اللي مادري وينها ضاعت لووول
الله يعافيج
والله لو ضايعه هالشحنه .. افجر بالجمارك هههههههه
ما شاء الله لا إله إلا الله 🙂
بالعافيه عليك يارب
بس الكيبورد مو عربي شلون بتكتب ؟؟
لأن ودي اشتري لاب ماك بوك برو من برى بس الكيبورد مافي عربي وغير جذي اسعار بالكويت نار << بوق X بوق :@
الله يخلي حولي 3 دنانير يضبطونه 🙂 … في اشخاص ما تحتاج احرف عربيه لانهم حافظين الاماكن مثلي 🙂
بالضبط
وهم انصح اللي يبي يطبع عربي
يطبع الحروف على الحمايه مالت الكيبورد
لان بكل الحالات العربي ماراح يشب ليت .. وثاني شي راح يخرب شكل الكيبورد
الله يعافيج ^_^
الكيبورد انا حافظ الاماكن
ونفس الشي .. حتى اجهزة الاهل بالبيت بدون عربي
خليتهم يتعودون
حتى عيال اخوي يكتبون عربي على كيبورد انقليزي 😛
تكسرهم بالعافية … بس شلون تكتب بالكيبورد ؟
الله يعافيك ..
حافظ اماكنهم ^_^
ماشاء الله
تهريهم بالعافيه
الله يعافيج ^_^
Mabrook 3ala el new laptop o etkasra bl 3afya! I know what you mean eb ree7at el unboxing ghair hehe lal7een astanas leman I unbox anything mn Apple 7ata lo it’s the Apple Magic Mouse it’s an amazing feeling!
Yalla 3alaik bl 3afya o el new one 6alqa! 😛
الله يعافيج
اي والله .. شعور حلو .. وريحه حلوه 😛
قووه ،،،،، مبروووك ما ياك :))))
بس حبيت اسالك بخصوص التي شرتات شاريهم من امازون ولا موقعهم نفسه\اذا من موقعهم بس بعرف مطلع فيزا امريكيه ولا شلون لان ما يقبل فيزتي الكويتيه،،،،،،
وبخصوص الجمارك الله يسامحهم مره طلبت ايباد خذو مني ٦٠ دينار تقريبا بس بعدين انصدمت ان منتجات ابل ما عليهم جمرك المفروض بس دينارين رسوم
الله يقويك ويبارك فيك
بخصوص الطلب .. واحد من الشباب هناك يدرس .. حولتله الفلوس وشرالي
اما الجمارك .. اللابتوبات والتليفونات ما عليهم رسوم
واذا كانوا مدفعينك
روح طالب بفلوسك
ترا والله الجمارك عندنا نصابين وبعض الموظفين ما يدري وين الله قاطه
الف مبروك
وعلى ذكر احلى منطقة في العالم
اتحفنا بعض صور منها