طبعاً الحين موسم مخيمات
واحنا حاطين مخيمنا من شهر 10 وكان الجو حلو
بس الاسبوع اللي طاف الحراره صفر !
.
بعض الناس يسمون الشتا بو عشوتين !
يعني الواحد يتعشا فيه مرتين .. من طول الليل والبرد
.
العشا الثاني بالمخيم كل مره يختلف
واحلى شي اذا سوينا :
” همبرغر “
.
بس دام الحراره تقريباً 0ْC صفر !
ما قدرنا نسويها بالمطبخ
لان على ما نسويها .. ونروح الخيمه .. تبرد !
.
قلنا نطبخها داخل الخيمه .. على الدفاية !
<< لازم نستغل كل شي :P
.
” اضغط على الصورة لمشاهدتها بحجم اكبر “
.
مجموعة صور
طباخنا هالاسبوع .. الشيف محمد
الاسبوع اللي قبله كنت انا اللي طابخ .. علشان جذي ماكو صور 😛
.
.
يا سلام .. المقلة مو مالت همبرغر !
ومن متى الهمبرغر تنطبخ بالملاس ؟!! 😛
هههههههههه
نطبخ الهمبرغر بدون دهن .. اللي فيها كافي 😛
.
.
تجهيز الصمون وكل واحد يحط الصلصه اللي يبيها
< الشباب جابوا العيد .. كاتشب - مايونيز - خردل - باربيكيو !
.
.
أحلى شي تحط الجبن على الهبرغر بالمقله .. علشان يكون سايح !
.
.
الهمبرغر والجبن عليها سايح ويدخن ..
ايااباااااااه !!
.
.
اللحظة الأخيرة .. قبل القضاء عليها 😛
.
.
واحد من الشباب انصدم لما شاف شلون نسوي الهمبرغر
يقول بس جذي ؟!!
كان مستصعبها .. وشكله راح يسوي الهمبرغر بعدين بنفسه 😛
.
ان شالله عجبتكم الصور
أدري انها حوسه وعفيسه وخرابيط هههههه
بس هذي متعة المخيم تالي الليل !
.
لوووووووولز
انا عجبني موضوع الي انصدم ويقول بس جذي .!!
صحه وعافيه على قلوبكم ياخوي
الله يعافيك ويسلمك ^_^
الي حاطينه هذي الدوه ولا شنو؟
شكلها اوفر من الفحم
هذي دفاية موصله على سلندر غاز
والله ممتازه وأوفر من الفحم
وتشغلها باي وقت .. كتجربة .. ممتازه
هذي ثاني سنه نستعملها
بس طبعاً الدوه لها متعه ^_^
ههههههه و الله توقعت الاكل بيصير حوسه بما انكم رجال و مو كثير تطبخون ! بس لمّا شفت الصور تفاجأت 😛
هني و عافيه يارب <3
هههههههه
الله يعافيج
افا عليج
احنا مشروع مطعم ههههههه
هههههههه والله فكره :p
ههههههههههههههه عليكم بالعافية
تقريبا نفس الاجواء بكل المخيمات 🙂
اي . الشباب تالي الليل يحكهم الجوع
ويشدون حيلهم ههههههه
عليكم بالعافيه بصراحه عجبني تعليقك
بس اتوقع ريحة الهمبرغر قوية بالخيمه مو
نتريا الاشيا الجديده
السلام عليكم
للتنبيه فقط
Ham burger
همبرجر يعني بلحم الخنزير اكرمكم الله
beef burger
يعني بلحم البقر
chickn burger
يعني الدجاج
السلام عليكم و رجمة الله و بركاته
لو سمجت بسال عن الدفايه بجم سعرها .؟
و من وين .؟
و موصله على سلندر غاز واحد و الا اثنين .. على اساس انها على دفايتين .؟
و شكرااا
شكرا لك ، انا كنت بفكر أنا لوحدي اللي عم جوع الناس ،، انتم جوعتوني جدا 😀
العفو , وشكراً لكم على الزيارة