امس الصبح الربع بالمخيم صادوا ذيب بالسالمي
قريب من المخيم
والوطن نشرت الخبر على لساني !
لكن زادوها شوية بهارات 😛
نص الخبر :
.
كتب حمد الجدعي:
اختلطت مشاعر الخوف والاستغراب والحيرة في نفوس مجموعة من شباب
كانوا في رحلة قنص في بر السالمي عندما شاهدوا ذئبا متوحشا
ينتظرهم امام خيمتهم وحاول الذئب الهجوم عليهم ما دفعهم الى انهاء حياته
بطلقات من سلاح «شوزن» كان بحوزتهم للصيد.
.
وفي التفاصيل التي رواها المواطن عبدالله الجلاوي لـ «الوطن» قال:
خرجنا في رحلة لصيد الطيور فكانت غنيمتنا ذئبا،
مضيفا انه بينما كان هو ورفاقه يستعدون صباحا للخروج في رحلة صيد في المنطقة
فوجئوا بذئب ينتظرهم عند باب الخيمة التي نصبوها في بر السالمي
بالقرب من منطقة الاديرع واحتاروا في امره هل هو «حصني» ام انه ثعلب ام هو ذئب
وعندما حاول الهجوم عليهم افرغوا طلقات «الشوزن» عليه حتى سقط ارضا
وبمعاينته تبين انه ذئب مفترس وجوده يهدد حياة مرتادي بر السالمي
وبعد قتله قرر احدهم ان يأخذه ويحنطه للذكرى.
.
.
محمد مطلق العازمي
– – – – – – – – –
ناصر ملفي العازمي
– – – – – – – – – –
الذئب لحظة صيده
.
.
” الصفحه الاخيره من جريدة الوطن “
اضغط على الصورة لمشاهدتها
الحمدالله على سلامتكم
حمدوا ربكم ماصادتكم الشرطه شوزن برخصه ولاغرامه٥٠٠٠ دينار
كان خذيتلك صوره معاه
ومنو اللي بحنط الذيب ؟!؟!
الله يسلمج ^_^
اللي بيحنطه اللي صاده
يعطيكم العافيه والله كفو يارجال
عاد والله قبل شوي نسولف عنه بالمخيم واحد من الربع داز صورته وقايل انه هو اللي صايده وبين الصج الحين
اللي صادوه 3 من الربع
مو اللي بالصوره
لانهم ما يبون الناس يعرفونهم هههههه
بس اللي صوروا معاه واجد
وصارت من حظ اللي طلعوا بالصوره
عاشو عيال عطا
كفو والله فكيتو المسلمين والكويتيين خص من شره
عساكم عالقوه
والله كنت راجعه من ابو ظبي عند اهلي من اسبوعين الا اشوف قرب الرمل ذيب او ثعلب اقول لزوجي قالي لا كلب قلت له كلب بالصحرا ورجعت بالسيارة شوي ابي اصورة ونطر الى ان اخذت شنطتي من الكرسي الوراني وطلعت الكاميرا وتوني بصورة اختفى كانه فص ملح وذاب اقول لزوجي واينه يقول توه واقف واختفى …
يمكن من قراته مشى الى ان وصل الكويت وصادوه الشباب …
بسبب ايش الاستفادة من انهم ذبحوه ..لا يناكل ولا يستفاد منه بس عشان يصورون معه وينقال عنهم واااو رجاجيل ..
يعني من كثر الحيوانات التي تراكض بصحرائنا اللي حتى الضب والقنفاذ والجاربيع اللي يومنا صغار وكانوا من كثرهم يمشون على الشارع وكنا نمشي ونفعصهم بالسياير اختفوا…
الحين اذا قلنا ليهال ضب قام يقلب عينه ايش الضب واذا قلنا جربوع فج حلجة وقام يدور عنه بغوغل لانهم انقرضوا بسبب ان واحد جايب 100 ضب لخطيبته مهر والا واحد يتمشى وشاف ذيب واذبحه والثاني يقوله فكيت المسلمين منه يا ويلي عليه هو شايف مسلمين بالصحراء عشان يفتكون منه ..يمكن اصلا هو يوم شاف الشباب بالبر ما صدق جايهم عشان يشوف بني ادمين اللي اجدادة الذيابه كانوا يتكلمون عنهم ..
ليت الشباب يوعون لنقطة ان الضب والجربوع وغيرهم من الحيوانات ملك لكل الاجيال مش عشان يتصورون معاهم بعد قتلهم ..
والا لازم حتى حيواناتنا نستوردها من الصين ونحطها في اقفاص عشان يشوفونها اليهال …
وتقولون ليش الحكومات تسور الصحراء
الله ستر عليييييييكم
الحمد لله على سلامتكم
الحمدالله على السلامه انشالله ما تسون جذي ترا حرام قتل الحيوان