شرح : كيفية شراء بطاقات iTunes Gift Card

السلام عليكم

 

شرحت طريقة إنشاء حساب أمريكي مجاني - اضغط هنا

علشان اوصل حق هذا الشرح عن كيفية تعبئة الحساب وشراء بطاقات ايتونز !

مميزات بطاقات الايتونز :

- شراء البرامج المدفوعه

- شراء وتأجير أفلام من iTunes

- تأجير أفلام ومتابعتها من Apple TV

- شراء أغاني وألبومات

- شراء اضافات لبعض البرامج ” خصوصاً الألعاب “

- شراء برامج وإرسالها كـ هدية إلى شخص لديه حساب أمريكي ” او نفس الدوله “

- تحميل البرامج اللي شرايها أكثر من مره إلى ماله نهايه

” يعني البرنامج اللي تشتريه ونزلته عندك .. تقدر تنزله على أكثر من آيفون وايبود وأيباد إلى ماله نهايه “

<< مثل اللي يسوونه المحلات .. !!

.
.

في البدايه يوجد شرطين علشان تستفيد من هذا الدرس

- أن يكون حسابك أمريكي

- أن يكون لديك فيزا

” سواء كانت تعبئه أو فيزا مفتوحه “

.

الشرح يخص موقع :

http://www.aljalawi.net/wp-content/uploads/2011/06/Screen-shot-2011-06-06-at-1.30.40-AM.png

www.maximuscards.com

ماكسيموس كارد .. هذا الموقع اشوف ميزته حسب وجهة نظري هو سهولته وأسعاره

يعني هو أرخص موقع يبيع الكروت بالنت

وسريع جداً بارسال الكود الى ايميلك

عيبه : انه كان يتعامل مع paypal .. بس وقف التعامل معاه قبل فتره !

 

الطريقه :

بعد ما تفتح الموقع .. تلقى تحت على اليسار شعار وكلمة iTunes

http://www.aljalawi.net/wp-content/uploads/2011/06/itunes2.png

نضغط عليها .. او اضغط على هذي الصوره للوصول المباشر !

.

.

نختار على سبيل المثال كرت بو 10$

يطلع سعره مع عمولتهم 12.49$ = 3.425 دك !

يعني أقل من ٣ دنانير ونص :-P

http://www.aljalawi.net/wp-content/uploads/2011/06/Screen-shot-2011-06-06-at-1.44.06-AM.png

نضغط على :

http://www.aljalawi.net/wp-content/uploads/2011/06/buy_button.jpg

.
.

بعد ما نضغط

يطلعلنا هالمربع :

http://www.aljalawi.net/wp-content/uploads/2011/06/Screen-shot-2011-06-06-at-1.46.48-AM.png

نختار الدولة : الكويت

ونوع الدفع : دولار امريكي

وبعدين : Continue

.

.

راح تفتلح لنا صفحة البيانات

نختار اول شي طريقة الدفع

فيزا

أو ماستركارد

حسب نوع بطاقتك الائتمانية !

http://www.aljalawi.net/wp-content/uploads/2011/06/Screen-shot-2011-06-06-at-1.50.09-AM.png

وتحت راح نعبي البيانات الطلوبه

اكتبوا بس اللي انا ذاكرها لكم :)

http://www.aljalawi.net/wp-content/uploads/2011/06/Screen-shot-2011-06-06-at-1.52.13-AM.png

وبعدين نضغط على :

http://www.aljalawi.net/wp-content/uploads/2011/06/btn-continue.png

.
.

تفتحلنا صفحة تأكيد العملية قبل الدفع:

http://www.aljalawi.net/wp-content/uploads/2011/06/Screen-shot-2011-06-06-at-1.59.04-AM.png

نحط علامة ” صح ” عند :

I have read and agreed to the MaximusCards.com

وبعدين :

SUBMIT ORDER

.
.

تفتحلنا الحين صفحة الدفع

http://www.aljalawi.net/wp-content/uploads/2011/06/Screen-shot-2011-06-06-at-1.59.46-AM.png

نحط رقم الفيزا

وتاريخ انتهاءها

والـ ثلاث ارقام اللي بظهر البطاقه

او رقم الامان اللي موجود بصفحة الحساب بالنت..

اذا كانت فيزتك ” فيزا انترنت ” من البنك الوطني

http://www.aljalawi.net/wp-content/uploads/2011/06/Screen-shot-2011-06-06-at-2.12.45-AM.png

بعد ما تدخل بيانات الدفع

اضغط على :

http://www.aljalawi.net/wp-content/uploads/2011/06/Screen-shot-2011-06-06-at-2.00.09-AM.png

 

.
.

 

يطلعلك الحين :

http://www.aljalawi.net/wp-content/uploads/2011/06/Screen-shot-2011-06-06-at-2.01.31-AM1.png

اصبر لين يتم تأكيد عملية الدفع

.

تمت عملية ادفع
http://www.aljalawi.net/wp-content/uploads/2011/06/Screen-shot-2011-06-06-at-2.02.31-AM.png

الحين شوف ايميلك واصلك الكود

” يفضل انك تفتحه من الايفون .. علشان تصير العملية أسرع !

.
الايميل اللي يوصلك :

http://www.aljalawi.net/wp-content/uploads/2011/06/photo-1.png

ضلل على الكود ..

اللي بالمربع الاحمر .. اذا كنت تبي تهدي الكود هذا حق احد

وتعطيه هدية رصيد ايتونز ;)

” بس لازم يكون حسابه أمريكي “

بعد ما تنسخ الكود ..

تروح حق الـ app store بالصفحه الرئيسيه

http://www.aljalawi.net/wp-content/uploads/2011/06/1.jpg

.

http://www.aljalawi.net/wp-content/uploads/2011/06/photo-2-1.png

ونختار اول خيار تحت على اليسار Featured

وننزل تحت ونضغط على Redeem

.

http://www.aljalawi.net/wp-content/uploads/2011/06/photo-3.png

تكتب الكود بالمكان المخصص

وبعدين تضغط على Redeem فوق على اليمين

ويطلب منك تسجيل الدخول بحسابك

.

http://www.aljalawi.net/wp-content/uploads/2011/06/photo-41.png

تسجل الدخول ..

.

http://www.aljalawi.net/wp-content/uploads/2011/06/photo-5.png

مبروك .. تم اضافة المبلغ بنجاخ :)

اضغط على Done فوق

واستمتع بالبرامج اللي بفلوس .. بلا نصب المحلات

.

بس نصيحتي لك اذا ضبطت معاك الطريقه

امسح البرامج المهمه اللي تستعملها اللي حاطها لك المحل

واشترها بنفسك مره ثانيه .. علشان ما تصير بمنتهم كل شوي شايل شليلك وطاق درب للمحل .. هاك سولي ابديت ! :-P

والنصاب يقولك اسويلك ابديت بفلوس ! :-$

وانا عن نفسي ..

اقولك .. اشتر كرت بو 50$ يطلع عليك 58.49$ يعني = 15 دينار

وامسح كل برامج المحل .. واشتر بنفسك وابد من جديد .. اذا تبي تستعمل الايفون بدون جيلبريك

” بهالطريقه ماراح تعاني من سالفة المحل “

ومن الجيلبريك .. لان تسوي اي ابديت بسرعه وما تنطر الجيلريك ينزل او لا :-P

 

وبالنهايه

اسف على الاطاله .. وان شالله يكون الشرح مفيد

 

مقالات ذات صلة

33 تعليقات

  1. M.H.Salem
    6 يونيو, 2011 في 1:03 م - Reply

    مشكوووووووووووور
    ويعطيك ألف عافيه على الشرح
    زهقنا من الحرامية باقو فلوسنا كل فتره 10 دنانير
    وان شالله نشوف مواضيع مميزه بالمدونه

    • aljalawi
      7 يونيو, 2011 في 2:41 ص - Reply

      العفو ..
      والله لو بس الناس تهتم شوي .. كل واحد راح يستمتع بالايفون .. بدون لا يغثونهم المحلات !

  2. Baderan
    6 يونيو, 2011 في 4:11 م - Reply

    مشكور على الشرح الواضح
    انا مسوي جيلبريك وانزل البرامج على كيفي
    ليش اقط فلوس دام البلاش موجود ؟

    • aljalawi
      7 يونيو, 2011 في 2:43 ص - Reply

      والله الجيلبريك له مميزات وعيوب
      اليوم أبل اعلنت عن الـ النظام الجديد للايفون
      اهل الجيلبريك ماراح ينزلونه إلا اذا نزل جيلبريك !
      والمستخدم العادي .. راح ينزله ويستانس فيه بدون اي مشاكل .. لا .. ومع خدمة iCloud البرامج ” القانوية ” راح يصير لها متعه ثانية ^_^

  3. بو يوسف
    6 يونيو, 2011 في 7:35 م - Reply

    الله يعطيك العافيه على الشرح المفصل
    والله يوفقك ونبي نشوف الجديد

    • aljalawi
      7 يونيو, 2011 في 2:44 ص - Reply

      الله يعافيك ..
      وان شالله راح تشوف اللي يعجبك ^_^

  4. شرح : كيفية إنشاء حساب أمريكي لـ App Store | Aljalawi
    14 يونيو, 2011 في 10:46 ص - Reply

    [...] لشراء بطاقات تعبئة .. وشراء البرامج المدفوعة [...]

  5. فهد
    19 يوليو, 2011 في 11:34 ص - Reply

    جزاك الله الف خير
    شرح وافي وسلس يعطيك الف عافية عليه

  6. ahlahooom
    27 يوليو, 2011 في 12:14 م - Reply

    كيف اقدر استخدم الكود الي بالمربع الاحمر ووين ادخل على النت او كيف يستخدمه الصديق ممكن اتفيدني لاني كل مره اطرشون لي مااقدر استخدمه

  7. ali
    10 أغسطس, 2011 في 2:18 م - Reply

    يالغالي لازم اسوي اون لاين حق كرت بنك

  8. smsm
    22 أغسطس, 2011 في 3:21 ص - Reply

    والله حاولت اسجل حساب مجاني
    الجهاز يطلب البطاقة الائتمانية

    مافي بدون

    • عبدالله الجلاوي
      22 أغسطس, 2011 في 3:56 ص - Reply

      تأكد من أول خطوه
      انك داش app store
      وبعدين تختار برنامج مجاني
      وان شالله يطلعلك خيار ” بدون “

  9. أمزان
    1 سبتمبر, 2011 في 2:27 ص - Reply

    السلام عليكم
    يعطيك الف عافيه على الشرح ماقصرت والله
    بس فيه شــــــي انه الرقم الثلاثي هذا مو عارفه شنو اكتب كتبت كذا رقم من البطاقه بس ماضبطت والبطاقه فيزا كتبت اخر ثلاث أرقام وما ضبط الله يعافيك شنو اكتب في الخانه

  10. fatom
    11 سبتمبر, 2011 في 12:40 ص - Reply

    اخوي بخصوص كروت (الايتونز) الي في آي سيتي
    نفس هالطريقه الي شرحتها ولا غير؟

    • عبدالله الجلاوي
      11 سبتمبر, 2011 في 1:13 ص - Reply

      اي نعم نفسها
      بس الفرق ان اللي بالنت توفرين 4 دنانير
      يعني فيها 16 برنامج !
      انتي اولى بفلوسج من النصابين

  11. فهد
    20 أكتوبر, 2011 في 2:26 م - Reply

    السلام عليكم … اخوي عبدالله الجلاوي انا الحين عندي حساب امريكي و رحت بنزل كرت على الفيزا مو راضين .. و اذا ممكن بس ابي اعرف شكتب بالظبط لما يطلبون العنوان و رقم البنايه هل مهم !! 

  12. لمياء
    12 نوفمبر, 2011 في 12:11 ص - Reply

    الله يعطيـــــــــــــــك العافيييية ويجزاك خير الجزاء

    اختك من السعودية

  13. شرح لمستخدمين الايفون : أسهل طريقه لنقل أرقامك إلى Gmail – لا تخافون على ارقامكم | Aljalawi
    16 ديسمبر, 2011 في 6:53 م - Reply

    [...] ( اضغط هنا لتعلم كيف تشتري رصيد ) [...]

  14. محمد حمدان الحجري
    1 يناير, 2012 في 12:22 ص - Reply

    شكراً جزيلا لك اخي الجلاوي وكل عام وانت طيب

  15. Mubarak
    24 يناير, 2012 في 8:08 ص - Reply

    جزاك الله خير ياطويل العمر

    عز الله ماقصرت في الشرح

    وافي ياوافي

  16. Khadija
    7 أبريل, 2012 في 12:40 ص - Reply

    اني بيل شلون اسجل البيانات ؟

  17. Faisal
    28 أبريل, 2012 في 11:20 م - Reply

    انا اشتريت بطاقه بس ما رضى يتعبى يطلعلي الكود غلط ابي الحل والله اني مليت

  18. Jam
    29 أغسطس, 2012 في 5:52 م - Reply

    شكرا جزيلا .. من بعد ساعات من التوهق .. نزلت حساب .. جزاك الله خير. شرح سهل وواضح..

  19. احمد
    3 يناير, 2013 في 1:47 م - Reply

    اخوي ابي بطاقة 10 دولار مقابل ارسلك صيد شحن تكفى ابيك تساعدني شكراا لك

  20. ماجد
    7 يناير, 2013 في 6:42 ص - Reply

    اخوي يعطيك العافية ع الموضوع
    انا حسابي امريكي وسويت نفس طريقتك بس شحن لي باليورو وتوهقت .. والزمني عشان اشتري برامج ان اغير حسابي الى بريطاني وحولته ولكن طلع عندي برامج العاب محملها من الامريكي ولاقدرت ادفع فيها باليورو لان اللعبة غير موجودة بالحساب البريطاني

    هل فيه حل

    لان الان يرفض تغيير الحساب الى امريكي الين اخلص الرصيد وهل فيه طريقة لتحويل الرصيد لحساب اخر وشكرا

  21. البااارقي
    25 يناير, 2013 في 3:08 ص - Reply

    يعطيك العافية مااا قصرت
    بس عندي سؤال هل تنفع ذي اني اشتري من In App Purshases ؟
    من داخل التطبيقات؟

  22. ليلى
    25 أكتوبر, 2013 في 5:44 ص - Reply

    طيب ولي ماعندها فيزا وتبي تشتري ايش تسوي افيدني

  23. ليلى
    25 أكتوبر, 2013 في 5:45 ص - Reply

    آنإآ ماعندي فيزا ايش اسوي

  24. إبراهيم
    16 يناير, 2014 في 4:47 ص - Reply

    السلام عليكم
    الحين أنا محمل لعبه من متجر السعوديه
    و حاب أسوي لها إضافات
    إذا سويت حساب في المتجر الأمريكي و شحنته
    أقدر أستخدم البطاقه في اللعبه إلي محملها من المتجر السعودي

  25. RAMI
    3 فبراير, 2014 في 10:59 م - Reply

    لو سمحت اخوي انا سويت كل شي صح بس ماياني مسج مشكور على الشرح

  26. ام احمد
    26 يوليو, 2014 في 6:50 م - Reply

    لو سمحت انا طبقة طريقتك و شريت كرت بخمسين قبل سنه و الحين خلص برد اعبي شلون ماني عارفه
    اعيد تطبيق الخطوات او مفروض ايميلي موجود و اشتري بس بطاقة

اضف رد