بعد توقيع عقد مبنى المطار الجديد
حصلت على نسخه من كتاب المبنى الجديد
وهو من تصميم شركة فوستر
” سبق وان تكلمت عن موضوع المبنى الجديد “
الصراحه بغض النظر عن المبلغ 900 مليون دينار !!
وان التصميم مشابه لمطار بكين من ناحية الشكل الخارجي
راح يبدا الشغل سنة 2013 وينتهي سنة 2016
لكن بعد ما شفت الصور بحجم كبير حيل
قلت .. ان شالله يخلص بالوقت اللي حددوه .. ما يكون مثل استاد جابر ومستشفى جابر !
وبهالموضوع راح اعطيكم هديه
اكثر صورتين عجبوني .. بحجمهم الطبيعي
” كبار حيييل “
.
.
.
.
وهذي بعض صور المطار الجديد
.
.
الصورتين الهدية
” اضغط على الصوره لمشاهدتها بحجمها الاصلي “
هذي الصوره راح تحس جنك داخله !
التصميم حلو بس الحجي متى يخلص بالضبط لان هني مشاريعهم اليوم عن سنه
وكيفية الوصول من مبنى ١ الى مبنى ٢ هل فعلا عن طريق الباص مع العلم ان مخاطر الباص خطيره جداً لان راح يمر بالساحه وهذي تعتبر طريقة مواصلات غير حضاريه
ولكن العوض ولا القطيعه
ومشكور على التقرير الحلو واللي احلى شي فيه التصوير
يالله عل وعسى ان ياخذون الموضوع بجديه وبامانه ويخلصون
اهم شي عندهم البووق
بس التصميم لا يعلى عليه
اقسم بالله كل ما ارد من السفر اطلع من الطياره احس ضيقت خلق تنزل درج وباص يوديك الباب
لي منى والله مرتين بس صادفت انزل على طول بالمطر بدون درج
شي يحررر والله
نتفائل ..
و الاخوان في وزارة الأشغال فيهم الخير و البركة إن شاء الله ..
مؤسف ما نسمعه من بعض الأشخاص في الطيران المدني .. و اللي بينهم خلافات داخلية مع بعض مما ترتب عليه قرارات تم الموافقة عليها من مدير الطيران المدني، و يأتي أحد مدرا القطاعات و يطلع لنا برأي مغاير
للأمانه .. أهتمام الدولة بهالمشروع المفترض إنه ينعكس إيجابياً بتعاون الجهات مع بعضها البعض، عكس ما نراه من مدير ادارة المشاريع في الطيران المدني .. و هي محاولته للتأثير على المشروع إعلامياً .. بدون أدلة أو حتى دراية تامة عن المشروع ..
نتمنى التوفيق .. و ما على الله بعيد .. إن شاء الله يخلص المشروع في الوقت المحدد .. لـ نتفائل و لو قليلاً يا أخوان ..
و مشكور أخي الكريم على الموضوع 🙂