السلام عليكم
شرحت طريقة إنشاء حساب أمريكي مجاني – اضغط هنا
علشان اوصل حق هذا الشرح عن كيفية تعبئة الحساب وشراء بطاقات ايتونز !
مميزات بطاقات الايتونز :
– شراء البرامج المدفوعه
– شراء وتأجير أفلام من iTunes
– تأجير أفلام ومتابعتها من Apple TV
– شراء أغاني وألبومات
– شراء اضافات لبعض البرامج ” خصوصاً الألعاب “
– شراء برامج وإرسالها كـ هدية إلى شخص لديه حساب أمريكي ” او نفس الدوله “
– تحميل البرامج اللي شرايها أكثر من مره إلى ماله نهايه
” يعني البرنامج اللي تشتريه ونزلته عندك .. تقدر تنزله على أكثر من آيفون وايبود وأيباد إلى ماله نهايه “
<< مثل اللي يسوونه المحلات .. !!
.
.
في البدايه يوجد شرطين علشان تستفيد من هذا الدرس
– أن يكون حسابك أمريكي
– أن يكون لديك فيزا
” سواء كانت تعبئه أو فيزا مفتوحه “
.
الشرح يخص موقع :
ماكسيموس كارد .. هذا الموقع اشوف ميزته حسب وجهة نظري هو سهولته وأسعاره
يعني هو أرخص موقع يبيع الكروت بالنت
وسريع جداً بارسال الكود الى ايميلك
عيبه : انه كان يتعامل مع paypal .. بس وقف التعامل معاه قبل فتره !
الطريقه :
بعد ما تفتح الموقع .. تلقى تحت على اليسار شعار وكلمة iTunes
نضغط عليها .. او اضغط على هذي الصوره للوصول المباشر !
.
.
نختار على سبيل المثال كرت بو 10$
يطلع سعره مع عمولتهم 12.49$ = 3.425 دك !
يعني أقل من ٣ دنانير ونص 😛
نضغط على :
.
.
بعد ما نضغط
يطلعلنا هالمربع :
نختار الدولة : الكويت
ونوع الدفع : دولار امريكي
وبعدين : Continue
.
.
راح تفتلح لنا صفحة البيانات
نختار اول شي طريقة الدفع
فيزا
أو ماستركارد
حسب نوع بطاقتك الائتمانية !
وتحت راح نعبي البيانات الطلوبه
اكتبوا بس اللي انا ذاكرها لكم 🙂
وبعدين نضغط على :
.
.
تفتحلنا صفحة تأكيد العملية قبل الدفع:
نحط علامة ” صح ” عند :
I have read and agreed to the MaximusCards.com
وبعدين :
SUBMIT ORDER
.
.
تفتحلنا الحين صفحة الدفع
نحط رقم الفيزا
وتاريخ انتهاءها
والـ ثلاث ارقام اللي بظهر البطاقه
او رقم الامان اللي موجود بصفحة الحساب بالنت..
اذا كانت فيزتك ” فيزا انترنت ” من البنك الوطني
بعد ما تدخل بيانات الدفع
اضغط على :
.
.
يطلعلك الحين :
اصبر لين يتم تأكيد عملية الدفع
.
تمت عملية ادفع
الحين شوف ايميلك واصلك الكود
” يفضل انك تفتحه من الايفون .. علشان تصير العملية أسرع !
.
الايميل اللي يوصلك :
ضلل على الكود ..
اللي بالمربع الاحمر .. اذا كنت تبي تهدي الكود هذا حق احد
وتعطيه هدية رصيد ايتونز 😉
” بس لازم يكون حسابه أمريكي “
بعد ما تنسخ الكود ..
تروح حق الـ app store بالصفحه الرئيسيه
.
ونختار اول خيار تحت على اليسار Featured
وننزل تحت ونضغط على Redeem
.
تكتب الكود بالمكان المخصص
وبعدين تضغط على Redeem فوق على اليمين
ويطلب منك تسجيل الدخول بحسابك
.
تسجل الدخول ..
.
مبروك .. تم اضافة المبلغ بنجاخ 🙂
اضغط على Done فوق
واستمتع بالبرامج اللي بفلوس .. بلا نصب المحلات
.
بس نصيحتي لك اذا ضبطت معاك الطريقه
امسح البرامج المهمه اللي تستعملها اللي حاطها لك المحل
واشترها بنفسك مره ثانيه .. علشان ما تصير بمنتهم كل شوي شايل شليلك وطاق درب للمحل .. هاك سولي ابديت ! 😛
والنصاب يقولك اسويلك ابديت بفلوس ! :-$
وانا عن نفسي ..
اقولك .. اشتر كرت بو 50$ يطلع عليك 58.49$ يعني = 15 دينار
وامسح كل برامج المحل .. واشتر بنفسك وابد من جديد .. اذا تبي تستعمل الايفون بدون جيلبريك
” بهالطريقه ماراح تعاني من سالفة المحل “
ومن الجيلبريك .. لان تسوي اي ابديت بسرعه وما تنطر الجيلريك ينزل او لا 😛
وبالنهايه
اسف على الاطاله .. وان شالله يكون الشرح مفيد
مشكوووووووووووور
ويعطيك ألف عافيه على الشرح
زهقنا من الحرامية باقو فلوسنا كل فتره 10 دنانير
وان شالله نشوف مواضيع مميزه بالمدونه
العفو ..
والله لو بس الناس تهتم شوي .. كل واحد راح يستمتع بالايفون .. بدون لا يغثونهم المحلات !
مشكور على الشرح الواضح
انا مسوي جيلبريك وانزل البرامج على كيفي
ليش اقط فلوس دام البلاش موجود ؟
والله الجيلبريك له مميزات وعيوب
اليوم أبل اعلنت عن الـ النظام الجديد للايفون
اهل الجيلبريك ماراح ينزلونه إلا اذا نزل جيلبريك !
والمستخدم العادي .. راح ينزله ويستانس فيه بدون اي مشاكل .. لا .. ومع خدمة iCloud البرامج ” القانوية ” راح يصير لها متعه ثانية ^_^
الله يعطيك العافيه على الشرح المفصل
والله يوفقك ونبي نشوف الجديد
الله يعافيك ..
وان شالله راح تشوف اللي يعجبك ^_^
Pingback: شرح : كيفية إنشاء حساب أمريكي لـ App Store | Aljalawi
جزاك الله الف خير
شرح وافي وسلس يعطيك الف عافية عليه
كيف اقدر استخدم الكود الي بالمربع الاحمر ووين ادخل على النت او كيف يستخدمه الصديق ممكن اتفيدني لاني كل مره اطرشون لي مااقدر استخدمه
يالغالي لازم اسوي اون لاين حق كرت بنك
والله حاولت اسجل حساب مجاني
الجهاز يطلب البطاقة الائتمانية
مافي بدون
تأكد من أول خطوه
انك داش app store
وبعدين تختار برنامج مجاني
وان شالله يطلعلك خيار ” بدون “
السلام عليكم
يعطيك الف عافيه على الشرح ماقصرت والله
بس فيه شــــــي انه الرقم الثلاثي هذا مو عارفه شنو اكتب كتبت كذا رقم من البطاقه بس ماضبطت والبطاقه فيزا كتبت اخر ثلاث أرقام وما ضبط الله يعافيك شنو اكتب في الخانه
اخوي بخصوص كروت (الايتونز) الي في آي سيتي
نفس هالطريقه الي شرحتها ولا غير؟
اي نعم نفسها
بس الفرق ان اللي بالنت توفرين 4 دنانير
يعني فيها 16 برنامج !
انتي اولى بفلوسج من النصابين
Pingback: تحذير يا اصحاب الآيفون : المحلات يسرقون صوركم وارقامكم .. ( موضوع يهم الجميع ) | Aljalawi
Pingback: تحذير يا اصحاب الآيفون : المحلات يسرقون صوركم وارقامكم | GrGasHa BLoG ..!!
السلام عليكم … اخوي عبدالله الجلاوي انا الحين عندي حساب امريكي و رحت بنزل كرت على الفيزا مو راضين .. و اذا ممكن بس ابي اعرف شكتب بالظبط لما يطلبون العنوان و رقم البنايه هل مهم !!
الله يعطيـــــــــــــــك العافيييية ويجزاك خير الجزاء
اختك من السعودية
Pingback: شرح لمستخدمين الايفون : أسهل طريقه لنقل أرقامك إلى Gmail – لا تخافون على ارقامكم | Aljalawi
شكراً جزيلا لك اخي الجلاوي وكل عام وانت طيب
جزاك الله خير ياطويل العمر
عز الله ماقصرت في الشرح
وافي ياوافي
اني بيل شلون اسجل البيانات ؟
انا اشتريت بطاقه بس ما رضى يتعبى يطلعلي الكود غلط ابي الحل والله اني مليت
شكرا جزيلا .. من بعد ساعات من التوهق .. نزلت حساب .. جزاك الله خير. شرح سهل وواضح..
اخوي ابي بطاقة 10 دولار مقابل ارسلك صيد شحن تكفى ابيك تساعدني شكراا لك
اخوي يعطيك العافية ع الموضوع
انا حسابي امريكي وسويت نفس طريقتك بس شحن لي باليورو وتوهقت .. والزمني عشان اشتري برامج ان اغير حسابي الى بريطاني وحولته ولكن طلع عندي برامج العاب محملها من الامريكي ولاقدرت ادفع فيها باليورو لان اللعبة غير موجودة بالحساب البريطاني
هل فيه حل
لان الان يرفض تغيير الحساب الى امريكي الين اخلص الرصيد وهل فيه طريقة لتحويل الرصيد لحساب اخر وشكرا
يعطيك العافية مااا قصرت
بس عندي سؤال هل تنفع ذي اني اشتري من In App Purshases ؟
من داخل التطبيقات؟
طيب ولي ماعندها فيزا وتبي تشتري ايش تسوي افيدني
آنإآ ماعندي فيزا ايش اسوي
السلام عليكم
الحين أنا محمل لعبه من متجر السعوديه
و حاب أسوي لها إضافات
إذا سويت حساب في المتجر الأمريكي و شحنته
أقدر أستخدم البطاقه في اللعبه إلي محملها من المتجر السعودي
لو سمحت اخوي انا سويت كل شي صح بس ماياني مسج مشكور على الشرح
لو سمحت انا طبقة طريقتك و شريت كرت بخمسين قبل سنه و الحين خلص برد اعبي شلون ماني عارفه
اعيد تطبيق الخطوات او مفروض ايميلي موجود و اشتري بس بطاقة
اخوي انسجب المبلغ لكن ما استوا شي ابد
تواصل مع البنك يعطيك رقم العملية وتواصل مع الموقع وقولههم انه تم الخصم وما وصل الكرت
ارجوووو الرد
طلع لي كذا ليه
Dear Muath Alraddadi,
We have a problem processing your invoice number 402583911 of Apple US iTunes $15 Card.
Need more data to send code. Please go to http://www.maximuscards.com/info.php
Thank you for shopping with us, your cooperation is appreciated.
Regards,
Sola Fide, Inc
طلع لي كذا ليه
Dear Muath Alraddadi,
We have a problem processing your invoice number (رقم الفاتوره) of Apple US iTunes $15 Card.
Need more data to send code. Please go to http://www.maximuscards.com/info.php
Thank you for shopping with us, your cooperation is appreciated.
Regards,
Sola Fide, Inc
ايش اسوي !!
عندي حساب أمريكي حطيت فيه 20 دولار ما اقدر اصرفه يقول لازم اسئله سريه ناسنه