.
قبل فترة كتبت موضوع عن :
إمكانية استخدام عدسات الكاميرة الإحترافية SLR
مع الايفون
.
قمت بطلب هذا الكفر من موقع photojojo
سعر المنتج 249$ + رسوم التوصيل داخل أمريكا 6$
إلى صندوق أراميكس
يفترض إني اكون قد استلمتها يوم الأحد
لكن الجمارك ” والعياذ بالله ” يحبون التأخير
فاستلمتها اليوم بعد الدوام
.
تجربتي لـ The iPhone SLR Mount
القطعة أكثر من رائعة
وهي عبارة عن كفر معدني مكون مقطعتين
مع إمكانية تركيبه مع الترايبود من الجهتين سواء بالطول أو بالعرض
بالاضافة إلى أهم قطعة وهي الوصلة
التي تحول الصورة من العدسة إلى كاميرة الايفون
.
حصل لي موقف سيء جداً عند أول استخدام لي
ركبت العدسه ” وكل شي تمام “
لكن لم استطع أن أغير العدسه !
تم قفل العدسة بالوصلة
حاولت جاهداً أن افتحها .. لكن دون جدوى !
حتى كان الخيار الوحيد أمامي هو أن اكسر القطعة
لأن تجربتي الأولى كانت مع عدسة SIGMA 10-20mm
<< كانت راح تصير خسارة كبيره !
.
لكن قمت بمراسلة الموقع عن كيفية فتح العدسة
وردوا علي بسرعة وشرحوا لي الطريقة
كانت الطريقة سهله جداً من خلال الكبس على البرغي
” المصيبة إن البرغي كان بالكرتون وما كنت أدري شسالفته “
بس الحمدلله عدت على خير !
.
حتى تستخدم القطعة يفضل أن تستخدم برنامج TURTLEHEAD
لأن الصورة تظهر معكوسة في الايفون وهذا البرنامج يعدل الصوره
لتصور كأن الوضع طبيعي
والبرنامج يوفر التصوير الفوتوغرافي والفيديو
مع بعض المميزات البسيطه كالمؤقت وغيره
.
الإيجابيات :
– الاستمتاع بعدساتك مع الايفون
– سوف تتميز في صورك في instagram
– اماكنية فك الوصله وتنظيفها
– خدمة موقع photojojo أكثر من رائعة
.
السلبيات :
– التركيز ” Focus ” يدوي عبر العدسة
– أطراف الصورة تكون مظلمة نوعاً ما
” لكنها قد تعجب البعض “
.
أترككم مع الصور
كل صورة مع شرحها وفي الختام صور التجربة !
” اضغط على الصورة لمشاهدتها بحجم أكبر “
الكفر + الوصلة + ديناصور صغير هدية من الموقع 😛
– – – – – – – – – – – – – – – – –
الوصلة بعد تركيبها مع الكفر
<< شوفوا البرغي اللي عفس الدنيا 😛
.
– – – – – – – – – – – – – – – – – – –
الوصلة من الداخل
ويأتي خلفها عدسة صغيرة
.
– – – – – – – – – – – – – – – – – – –
تركيب عدسة :
Canon 70-200mm f2.8
لأن العدسه ثقيله تم تركيب العدسه على الترايبود
.
– – – – – – – – – – – – – – – – – – –
تركيب عدسة :
Canon 50mm f1.8
الحجم جيد مع هذه العدسه
.
.
الصور :
سوف تشاهدون الصور ” مع – بدون ” العدسه
بدون العدسة
.
مع العدسه
.
بدون العدسة
.
مع العدسه
.
أتمنى أن ينال التقرير إعجابكم
.
<< شرايكم بالتصوير ؟ 😛
.
وايد حلوة 🙂 ،. بس ما تسوى ١٦٠ دينار
الله يسلمك
سعرها 80 دينار
الـ 160 عدسه sigma
عدلت التقرير علشان ما يصير لبس بالموضوع 🙂
نتايج ممتازة عبدالله عليك بالعافية
حبيب يا بو سعيد .. الله يعافيك
ان شالله راح تجربها ^_^
تقرير افضل من رائع 🙂
من اروع ماشفت
يعطيك العافيه علي مجهودك الطيب
دائما متميز بتقاريك ربي يجازيك خير
ما شاء الله تجربه حلوة
مافي نفسها للأندرويد 🙂
ابدااااااااااااع بصراحة عجيبة الفكرة والتصوير حلو بس نفس ماقلت السواد على الاطراف لبعض الصور حلو فقط
بس حلوه الفكره ويعطيك العافيه على التقرير الجميل وتسلم ايدينك. وعليك بالعافيه فيهم
ألحين هذي الوصله تتركب عليها عدسات كانون ؟
اي ^_^
خطيييرة الفكرة واايد عجيبه للي ما عندة كاميرا
براافوو عبدالله علي هالتقرير ومثل ما عودتنا دايما بالفناتق الحلوة للتصوير
متابعين لك بشغف
شكراً لج
ويسعدني متابعتج للمدونه ^_^
كنت ابحث عن طريقه الشراء بالنت والحمدلله لقيت مدونتك وشرحك الحلوو
بس ياليت لو تكلمت عن طريقه الشراء
لان الموقع مو حاط التسجيل بس علطول لاضافه السلع ،، حسيت ان فيه شي غلط
وفوق هذا فيه دايركت ع الكويت بدون خدمه توصيل ،، اذا ماعليك امر ممكن تفيدني بهالشغله
لان انا ماعمري جربت اشتري من برا كله اخواني يشترون لي .. >ـ<
ونسيت اقول يعطيك الف عافيه ،، دايما مبدع ومتميز =)
عرض جميل و فكرة حلوة :
سؤالين لو سمحت
الاول : بما ان العدسات انواع و ابعاد و المحولات تختلف حسب نوعية و تصميم العدسة
السؤال ممكن كتابة و توضيح انواع العدسات الممكن استخدامها مع هذا الكفر
الثاني : كيف حلت مشكلة فتحة العدسة الكبيرة حيث فتحة عدسة الايفون ضمنا صغيرة
مقارنة مع العدسات الاحترافية . و لكم الشكر