هونغ كونغ من المدن الجميله والحضارية على مستوى العالم
تعج بالناس طوال الوقت من السياح والسكان
هونغ كونغ من أكبر المدن بالعالم وهي كانت مستعمره بريطانية وتم تسليمها للسياده الصينية عام 1997
وتعتبر دوله مستقله تشارك باسمها الخاص في جميع المحافل الدولية إلا انها تابعة للسياده الصينية !
.
الكثير من الناس يظن انها تشبه تايلند او حتى ماليزيا
لكنها في الحقيقة أشبه ما تكون بـ نيويورك !
.
المدينة من أنظف المدن في العالم وراقيه جداً
ولديهم ديزني لاند من احدث مدن ديزني لاند في العالم
.
.
هونغ كونغ مقسمه إلى قسمين
كولون = هي شبه جزيره
جزيرة هونغ كونغ = مقابله كولون
طبعاً كلهم هونغ كونع .. بس هذي اسامي مناطق
برايي ان كولون افضل لاحتوائها على الكثير من الاسواق
ولكن جزيرة كولون تحتوي على مباني اكثر واماكن سياحيه وتاريخيه اكثر
واللي يزور هونغ كونغ
كل يوم الساعه 8:15 مساء
عرض موسيقي مع اضاءاة المباني بين الجهتين
لمدة ربع ساعه
” المباني ترقص “
احلى شي جزيرة هونغ كونغ وتكون اطلاتها من كولون
.
تبعد هونغ كونغ بالطائره من الدوحه 8 ساعات
” ما عندنا خط دايركت من الكويت “
بالسفره كنت انا واخوي
.
اترككم مع مجموعة من الصور
وكل صوره شرحها فوقها
( الصور بين سفرتين وقت كريسميس 2010 .. وصيف 2011 )
.
.
.
.
.
الوصول بين كولون وجزيرة هونغ كونغ
بالسفينه .. والمترو ” قطار تحت الماء “
هذي جزيرة هونغ كونغ وانا رايحين لها
.
.
ركبنا الباص السياحي
يمر باهم الاماكن والشوارع في جزيرة هونغ كونغ
وبينها بعض المباني القديمه
” والله بعض الاجانب عايشين بعز ورفاهية ما تتخيلونها “
.
.
شوارعها
.
.
ناطحات ساحب
” تنكسر رقبتك وانت تشوفها “
.
.
فن معماري جميل
.
.
هذا البيت موقعه غريب
.
.
في النهاية وصلنا إلى المكان الذي يجب على كل زائر الذهاب إليه
هو الجبل .. لمشاهدة هونغ كونغ وكولون من الأعلى
وهو مكان سياحي ومجمع تجاري فيه العديد من الطاعم
ويوجد فيه متحف الشمع مدام تسود يجب عليك زيارته
” اضغط هنا لمشاهدة زيارتي لمتحف الشمع في بانكوك – تايلند “
.
.
هذا القطار الذي يوصل للأعلى
.
.
من الداخل
.
.
الاستمتاع بالمناظر الطبيعية الجميله
.
.
واحنا صاعدين .. لفت انتباهي هذا المبنى !!!!
لاحظتوا شي ؟
شعار الماسوينه !!
مكتوب تحته :
Zetland Hall
Masonic Centre
بحثت عنه طلع واحد من الاماكن القليله في العالم لتجمع الماسونيه !
الله يكافينا شرهم
وهذي صوره مع زوم
.
.
هذي هونغ كونغ من الجبل
واللي بالضباب ورى البحر .. كولون
.
.
من نفس المكان .. بالليل 😎
.
.
الحين اخليكم مع صور من كولون
والتسوق فيها
هذا مجمع تجاري مكشوف
فيه محلات ومطاعم وفندق
شي حلو حيل
.
.
صوره له من تحت
.
.
هذي الساعه على الساحل المطل على جزيرة هونغ كونغ
واظن انه تابع لارض الجامعه
” وقتها كان اكو طلبه خريجين يصورون عنده “
.
.
بعض الماركات العالمية الموجوده
<< صورت بعض اللي اعرفهم 😛
LOUIS VUITTON
.
.
CHANEL
HERMES
.
.
MIU MIU
Cartier
.
.
ESPRIT
.
.
GUESS
.
.
هذا أكثر شارع حيوي بهونغ كونغ ” كولون “
اسمه بالصيني
tsim sha tsui
وبالانجليزي
Nathan Road
كله محلات يمين ويساره
وموجوده فيه أكبر حديقه بهونغ كونغ اسمها
كولون بارك
.
.
اول صوره بالموضوع .. كانت على نفس الشارع
وقت طلعة الدوامات
<< زحمه يا دنيا زحمه ! .. هذي الصين ولا بلاش 😛
.
.
وعلى نفس الشارع .. وعلى موقع استراتيجي
مسجد كولون
اسمه :
المسجد الجامع والمركز الاسلامي
سافلة هذا المسجد واختياره لهذا المكان
لما تم استعمار هونغ كونغ من قبل الانجليز
كان في بداية استكشاف المنطقه معاهم رجل هندي مسلم
وتكريماً لهذا المسلم تم تخصيص هذي الأرض لتكون مسجد
ويعتبر أفضل موقع لمكان عباده في هونغ كونغ !
.
.
وعلى نفس الشارع
احلى مجمع تجاري دشيته بهونغ كونغ
iSquare
3 سراديب + 9 أدوار
تحت موجود محل اسمه iWorld وكيل معتمد من ابل
” وكيل معتمد يعني ارخص من امريكا ونفس اسعار ابل هونغ كونغ اللي بالنت “
مو الحراميه النصابين اللي عندنا اللي ما يفهمون ولا يفقهون ولا يدرون وين الله قاطهم
.
.
وهم بعد .. على نفس الشارع 😛
لقيت هذي الشاشه كانت تنقل المباريات مباشره
وكانت المباراه .. ديريبي ميلانو
وكان ابراهيموفيج توه مدخل قول حق ميلان .. والناس بالشارع يصفقون :p
ولأن هونغ كونغ منطقه سياحيه
راح تلقون اصحاب المواهب متواجدين فيها
هذا رسام مبدع
.
.
آخر شي
اهديكم هذي الصوره
بانوراما لجزيرة هونغ كونغ
” من جهة كولون “
( اضغط على الصوره لمشاهدتها بحجم أكبر )
.
.
قبل النهاية
أتمنى انكم تشوفون هذا التقرير اللي كتبته
عن مطعم :
ماشستر يونايتد في هونغ كونغ
<< كاتبه ايام ما كان عندي زوار بالمدونه 😛
.
.
في الختام
أتمنى إن التقرير عجبكم
وانكم استمتعوا بالصور
^_^
متى تاخذني معاك يا عبيد 😉
اذا حجت البقر على قرونها ههههههه
عليك بالعافيه انشالله استانست
بس فهمت كلامهم ؟ 🙂
الله يعافيك ويسلمك
لغتهم مستحيل تفهمها هههههههههه
متا احسن وقت، كان بالكريسمس او الصيف ؟ من ناحيه الجو و والزحمه و الاسعار ؟
والله عن نفسي وقت الكريسمس كان حلو حيل
الجو ممتع كنت اطلع بنص كم
والاسعار بالصيف ارخص
بس عموماً اغلى شي السكن
ولازم تكون حاجز قبلها بمده ما تقل عن اسبوعين
ولا يكون ويكند اسعار الفنادق تصير دبل
ماشاء الله موضوع روووعه ومتكامل حسيت نفسي مسافره
وللصور عجيبه عجبتني صوره ساعه الجامعه روووعه
يعطيك العافيه علي التقرير ابداااع
الله بعافيج ^_^
تقرير متكامل..
الابداع في تسلسل الصياغة
والحلو تأثير روعة الصور ماشاءالله على نفس “من يشوفها”
كل الشكـر
العفو الله يسلمج
ويسعدني هالشي ^_^
يعطيك العافيه عالتقرير
وماشاءالله البلد حلوه “:]
الله يعافيك
منور البلوق ^_^
ماشالله تقرير اكثر من رائع … يعطيك العافية اخوي وعساك عالقوة ..
للمعلومية:
الصور اكثر من روعة والكاميرا اروع واروع تبارك الرحمن:”)
الله يجعل ايامكم كلها وناسة بوناسة يارب :”)
الله يعافيج
تسلمين .. من ذوقج ^_^
ما شاءالله وااايد خطيرة الصورة
وشوقتني شكلة الشوبنق فية فله
عساك على القوة ياربي
وبانتظار القادم
الله يقويج
منوره البلوق ^_^
امبيه وناااااسة حدى
وخاصة بليل احس وناسة حدى
اي نسيت
يعطيك العافية على تقرير
والسؤال الحين جم مرة انا قلت
وناسة حدى
الله يعافيج .. ^_^
واجد 😛
يعطيك الف عافيه عالموضوع شوقتني اسافر لها ياليت تكتب تقرير عن سفرتك ناطرين نشوفه
ماشالله عن جد رووووعه واتمنى اسافر لها باقرب فرصه عشان الشوبينغ
صراااحة صور رائعة
عندي سؤال صغير الباص السياحي من اي محطة طلعت فيه وبكم الشخص وكم ساعة التجول فيه
هل يتنقل في الجزيرتين كولون وهونج كونج
متى مواعيد التحرك بالباص
وانا اسفهعارفة اسئلتي كثيير
وتسلم
جزاك الله خير والحقيقة تغطية حلوة زيارتك القادمة وين راح تكون
أتمني عليك ان تغطي الجانب الاسلامي مثل المساجد المراكز الاسلامية مطاعم تقدم الوجبات الحلال وهكذا حتي تكون الاستفادة اكبر من تقاريرك الحلوة
ولك الشكر اولا وأخيرا
كنت ابغى استفسر المجمع التجاري المكشوف اللي في كولون ايش اسمه
حروح ان شاء الله هونكونج بعد 10 ايام اذا عندك اي نصائح
يعطيك العافية