مطعم هندي قديم بـ خيطان
اسمه : ساكت عجيب
اشوف أحلى مطعم هندي بالكويت
متعود اروحله من زمان
طبعاً احسن وقت له من الساعه 4 الفجر لغاية 8 الصبح
ماشالله .. مالك محط رجل .. وكله شباب وشياب
90% من زباينه كويتيين
<< المطاوعه مفلين فيه :-P
المطعم قديم حيل
من سنة 1971
والحلو ان صار عنده خدمة توصيل
” التفاصيل اخر شي “
اليوم رحت اتريق فيه وقلت اخذ كاميرتي واصور 😛
” مجموعة صور “
طلبت منه
بيض وطماط – كيمه – سمبوسه – چاي حليب
.
.
كيمه
البعض يسميها ” قيمه “
.
.
السمبوسه احلى شي تاكلها اول ما تحط على الطاوله
.
.
البيض وطماط .. عياز شخص 😛
.
.
معروف ان المطاعم الهنديه احسن ناس يسوون
چاي دود !
” يعني چاي حليب بالهندي 😛 “
.
.
طبعاً الجباتي عنده قطعه وحده .. مو مقطعه مثل باجي المطاعم
بعض المطاعم الهنديه .. الجباتي من تمسك طرفها تقطعت بروحها !
هذا المطعم من داخل
” قبل كان صغير .. ووسعوه يمكن قبل 7 سنين “
<< مبين من لون الديكور .. اللون الابيض اللي على اليسار هذي التوسعه
.
.
مدير المطعم !
اقدم اثنين بالمطعم !
.
.
هذا شكل المطعم من برا !!
<< كشخه ! :-P
المكان :
خيطان – مقابل الجمعية الرئيسية
” تاخذ دوار المخفر يسار وتلقاه على يسارك والجمعيه يمينك “
تليفون :
24734618
24734614
أفضل وأنظف مطعم هندي 🙂
من صغري كنت أروح له مع جدي الله يرحمه
الله يرحمه
خوش مطعم
ياسلاام انشهد احسن مطعم
وايام قبل وحنا صغار يودينا خالي اياام ولا احلي …^^
اووو .. اياااام
Ra7 a6lbaaah w enshallah 7lw y6laa3
Bs khoosh d3aiya sawet 😀
3waaafiiiii:)
والله مو القصد اني اسويلهم دعايه
بس لانه صج مطعم يستاهل
الله يعافيج ^_^
اول مره اسمع عنه ..، ان شاء الله بجريه
ان شالله ^_^
تقرير ممتاز
بس بصراحه ماحب المطاعم الهنديه كلش
عليك بالعافيه
تسلمين
والله لو تجربينه ريوق الصبح مبجر
راح تدعيلي 😛
اووه عبود مسوي لهم خوش دعايه
ان شاءالله اجربه شكله حلو
تحياتي فلانه بنت فلان العازمي
يستاهلون ^_^
ومشكوره يا بنت فلان
<< عرفتج 😛
يعطيك العافيه يالخال خوش تصوير بس خوش دعايه والمقاابل ريوق ابلاش لك ها
يعطيك العافية، بس ترى اسم مطعم كبير عليه، هذا في السعودية نسميه (بوفية)
عموما…عوافي
الله يعافيك
احنا بالكويت ما نسمي بوفيه 😛
كل مكان يبيع طعام اسمه مطعم 😛
يعطيك العافيه خوووش مطعم معرووف بخيطان تقرير جيد
الله يعافيج ^_^
مطعم ساكت عجيب احسن مطعم بالريوق في خيطان أنا أتريق فيه من١٩٨٣ وما فيه مثله بصراحه
ماشالله
اتوقع انك الحين خبره بالمنيو اللي عنده 🙂
عازمتك انا بااجر على حسااابي اووق
يعطيك العافيه علئ التقرير وشكلك مغزرها ريوق بلاش عنده عليك بالعافيه والمره الجايه صور الهيثم عنده ولعب على الحبلين
الله يعطيك العاافية بس ترا في مطاعم هنديه حلوه بعد واقدم منه بكثير مثل مطعم الصافي بالفحيحيل امام مقسم الفحيحيل يعني تخلي مقسم الفحيحيل يسارك اول فتحه يمين اصفط سيارتك وانزله كنت اتريق فيه وانا بالمتوسطه وفيه مطعم ثاني اللي اهو مطعم مصباح هذيل من اقدم المطاعم الهنديه بالفحيحيل يا كثر هرجي ههههههه
ماشاءلله عليه والله خووش مطعم وعوافي يااعبدالله
والحين كل ما طلعت من الامتحانات نص السنه
رحناا اناا وخاالد مساعد تريقنا فيه
وعوافي يالغالي
mashkoor
وين موقعه بالضبط أخوي لاهنت
أنا جاي من السالمية ماسك الدايري الخامس شلون اطيح عليه
هلا فيك
اذا جيت من الخامس وتنزل بين العمرية وخيطان
تاخذ الاشاره اللي تحت جسر العمرية وتدخل خيطان
ويجيك دوار المخفر اخذه يسار وتلقاه على يسارك
تسلم عبدالله
أنا بجي من السعودية ودايم ازور الكويت و عمري ماطبيت خيطان مدري ليش
الظاهر عقب مظاهرات الصعايدة فيها 🙂
يعت يعت
والله الاكل يشوق وخاصه حق ريوق واو
عوافي ،،،
بس اهم شي في خدمة توصيل اشوه انجرب ع يوم ونطلب :p
شهيتنااا
انا بالكويت ل مدة اسبوع ونفسي ازوره